கிளைமாக்சை நெருங்கிய கார்த்தியின் சர்தார் படப்பிடிப்பு!
முத்தையா இயக்கத்தில் கார்த்தி நடித்துள்ள விருமன் படம் சுதந்திர தினத்தன்றும், மணிரத்னம் இயக்கத்தில் நடித்துள்ள பொன்னியின் செல்வன் வருகிற செப்டம்பர் 30ம் தேதியும் திரைக்கு வர உள்ளன. அடுத்தபடியாக பி.எஸ்.மித்ரன் இயக்கும் சர்தார் படத்தில் இரட்டை வேடங்களில் நடித்து வருகிறார் கார்த்தி. இந்த படத்தில் அவருடன் ராசி கண்ணா, ரஜிஷா விஜயன் மற்றும் மாஜி ஹீரோயினி லைலா ஆகியோரும் நடிக்கிறார்கள்.
இந்த சர்தார் படத்தின் முக்கிய காட்சி ஒன்று அஜர்பைஜான் நாட்டின் பார்லிமென்டில் படமாக்கப்பட்டதை அடுத்து தற்போது கிளைமாக்ஸ் காட்சியை படமாக்க பாண்டிச்சேரிக்கு செல்கிறது படக்குழு. இரண்டு வாரங்கள் நடைபெறும் இந்த படப்பிடிப்பை தொடர்ந்து ஜூலை முதல் வாரத்தோடு சர்தார் படத்தின் மொத்த படப்பிடிப்பும் முடிவடைந்து விடும் என்று தகவல்கள் வெளியாகி உள்ளன.