Vikram Movie Camera Technology: விக்ரம் படத்தில் ஒவ்வொரு காட்சியையும் திறன்பட செதுக்கியிருந்தார் இயக்குநர் லோகேஷ் கனகராஜ். இதற்கு அவருக்கு பக்கபலமாக இருந்தது கேமரா தான். நீங்கள் நினைப்பது போன்று இந்த படத்தில் பயன்படுத்தப்பட்டது சாதாரண கேமரா அல்ல.
முக்கியமாக, ஸ்டூடியோவில் தயாரிக்கப்படும் விளம்பரப்படங்களுக்கு மட்டுமே அதிகம் பயன்படுத்தப்படும் ரோபோட்டிக் கேமரா தான் விக்ரம் பட சண்டை காட்சிகளை சுத்தி சுத்தி படம் பிடித்திருக்கிறது. மோகோபாட் (MocoBot) என்று கூறப்படும் இந்த கேமரா முழுவதுமாக மனிதர்கள் உதவி இன்றி படம்பிடிக்கக்கூடியது.
Nothing Phone (1): லைட் எல்லாம் மின்னுது… வெளியான நத்திங் போனின் வீடியோ!
மோகோபாட் கேமரா என்றால் என்ன (What is Mocobot Camera)
மோட்டார் பொருத்தப்பட்ட ரோபோட்டிக் கைகளில் கேமரா பொருத்தப்பட்டிருக்கும். இந்த கைகள் தான் இதன் பிரதானப் பகுதியாக இருக்கும். நீங்கள் உள்ளிடும் புரோகிராமுகளுக்கு ஏற்றவாறு இந்த கைகள் வேலை செய்யும். அதுவும், ஒரு இன்ச் நகர்வில் மாற்றமில்லாமல் இதன் அசைவுகள் துல்லியமாக இருக்கும்.
Dangerous Apps: இந்த ஆப்கள் வேண்டாம்; மிகவும் ஆபத்தானது… உடனடியாக அழித்து விடுங்கள்!
பொதுவாக உள் இடங்களில் வைத்து எடுக்கப்படும் விளம்பரப்படங்களுக்கு நொடிப்பொழுதில் அதிகளவு ஆங்கிள்களில் ஷார்டுகளை எடுக்க வேண்டும். இதனால், விளம்பரப்படங்களுக்கு மட்டுமே அதிகமாக மோகோபாட் கேமராக்கள் பயன்படுத்தப்பட்டு வருகிறது.
இதனை வீதிக்குக் கொண்டு வந்து அசத்தியுள்ளார் லோகேஷ். காரணம், விக்ரம் படத்தில் இருக்கும் சண்டை காட்சிகள் அனைத்தும் வெளியே படம் பிடிக்கப்பட்டவை.
இதில் புரோகிராமிங் எப்படி வேலை செய்கிறது
உங்களுக்கு புரியும்படி சொல்ல வேண்டும் என்றால், ரோபோட்டிக் கைகள் இப்படி தான் அசைய வேண்டும், இந்த ஆங்கிளில் தான் ஷார்டுகளை எடுக்க வேண்டும் என்று முன்னதாக கணினியில் புரோகிராமிங் செய்து வைத்து விட வேண்டும்.
இதில் புரோகிராம் செய்த அசைவுகளை, நடிகர் பயிற்சி செய்து பார்க்க வேண்டும். இந்த புரோகிராமுக்கு ஏற்றவாறு நடிகருக்கு பயிற்சி அளிப்பது தான் சவாலான காரியம். அசைவுகளில் சிறிது தவறு நடந்தால் கூட, கேமரா இவர்கள் மீது மோத வாய்ப்பு அதிகமாக உள்ளது.
எனவே, கிட்டத்தட்ட ஒரு ஷார்டை எடுப்பதற்கு 2 மணிநேரம் வரை பயிற்சி தேவைப்படும். பிரபலமான ஜிம்மி ஜிப் கேமரா மூலம் செய்ய முடியாத பல காட்சிகளை திறன்பட இந்த கேமரா வாயிலாகப் படம்பிடிக்க முடியும் என்று கூறியிருக்கிறார் லோகேஷ் கனகராஜ்.
இதற்கு முன் வேறு தமிழ் படங்களில் பயன்படுத்தப்பட்டுள்ளதா?
நடிகர் விஜய் நடிப்பில் வெளியான பீஸ்ட் படத்தில் வரும் ஒரு சண்டை காட்சியிலும் இதே கேமரா பயன்படுத்தப்பட்டிருக்கும். ஃபகத் பாசில் மலையாள மொழியில் வெளியான டிரான்ஸ் படத்திலும் சில காட்சிகள் இதன் மூலம் படமாக்கப்பட்டுள்ளது.
ஆனால், விக்ரம் படத்தில் தான் இரவு நேரத்தில், வெளியே வைத்து இந்த கேமரா கொண்டு அதிக நேரம் படம்பிடிக்கப்பட்டது. இது தமிழ் சினிமாவில் புதிய முயற்சி என்றே கூறலாம்.
https://www.instagram.com/tv/CeIydzzMpCX/ https://www.instagram.com/tv/CeIydzzMpCX/
படம் எப்படி இருக்கு?
படத்தில் நடித்த ஒவ்வொரு கலைஞரும் பார்வையாளர்கள் மனதில் அப்படியே பதிந்து விடுகிறார்கள். உலக நாயகன் கமல்ஹாசன், மக்கள் செல்வன் விஜய் சேதுபதி, ஃபகத் பாசல் தொடர்ந்து, சில நிமிடங்களில் வந்து மனதில் நீங்கா இடம்பிடித்து சென்றவர்களும் பல இந்த திரைப்படத்தில் இருக்கிறார்கள்.
Jio Recharge: ஜியோவின் அதிரடி திட்டம்! வெறும் 75 ரூபாய்க்கு அத்தனைப் பயன்கள்!
மகன் கொலைக்கு பிராய்ச்சித்தம் தேடியும், சமூகத்தை சீரழிக்கும் அதிபயங்கரமான போதை பொருள் கடத்தல் கும்பலை ஒழிக்கும் பணியிலும் படம் பயணிக்கிறது. மக்கள் கொண்டாடுகிறார்கள் என்றால்… படம் நன்றாகத் தானே இருக்கும்..!