வாசிக்க நேரம் இல்லையா? செய்தியைக் கேளுங்கள்
வாஷிங்டன்-இந்தோ – பசிபிக் பிராந்தியத்தில், மிக முக்கிய கூட்டாளியாக விளங்கும் இந்தியா உடனான நல்லுறவுக்கு என்றும் மதிப்பளிப்பதாக, அமெரிக்கா தெரிவித்துள்ளது.
 |
கிழக்கு ஐரோப்பிய நாடான உக்ரைன் மீது போர் தொடுத்ததால், ரஷ்யா மீது அமெரிக்கா மற்றும் ஐரோப்பிய நாடுகள் பொருளாதார தடைகளை விதித்துள்ளன. அதை மீறி, இந்தியா தொடர்ந்து ரஷ்யாவிடம் கச்சா எண்ணெயை தள்ளுபடி விலையில் வாங்குகிறது. இதனால், இந்தியாவின் கச்சா எண்ணெய் இறக்குமதியில், சவுதி அரேபியாவை பின்னுக்கு தள்ளி, ரஷ்யா இரண்டாவது இடத்திற்கு முன்னேறியுள்ளது.
இது குறித்து, அமெரிக்க அதிபரின் வெள்ளை மாளிகை பாதுகாப்பு கவுன்சில் அமைப்பாளர் ஜான் கிர்பை கூறியதாவது:இந்தோ – பசிபிக் பிராந்தியத்தில், அமெரிக்காவின் மிக முக்கிய கூட்டாளியாக இந்தியா விளங்குகிறது. இந்தியா உடனான பரஸ்பர நல்லுறவுக்கு, அமெரிக்கா எப்போதும் மதிப்பளித்து வருகிறது. ஒவ்வொரு நாட்டிற்கும் இறையாண்மையை காப்பதிலும், சொந்த முடிவுகளை எடுப்பதிலும் சுதந்திரம் உள்ளது.
 |
அதே சமயம், ரஷ்யா மீது சர்வதேச அளவில் அதிக நெருக்கடி கொடுக்க வேண்டும் என்பதே அமெரிக்காவின் நோக்கம். ரஷ்ய அதிபர் புடின், தன் செயலுக்கு தக்க விளைவுகளை சந்திக்க வேண்டும்.இவ்வாறு அவர் கூறினார்.
Advertisement