'விக்ராந்த் ரோணா' டிரைலர் வெளியானது
'நான் ஈ' படத்தின் மூலம் தமிழ் ரசிகர்கள் மத்தியிலும் பிரபலமான கன்னட நடிகர் சுதீப் தற்போது கன்னடம், தெலுங்கு, ஹிந்தி, தமிழ் உள்ளிட்ட மொழிகளில் பல மொழி படங்களில் நடித்து வருகிறார். தமிழில் கடைசியாக விஜய் நடித்த 'புலி' படத்தில் வில்லனாக நடித்திருந்தார் .
தற்போது சுதீப் 'விக்ராந்த் ரோணா' என்ற பிரம்மாண்ட படத்தில் நடித்துள்ளார். அனூப் பந்தாரி இயக்கியுள்ளார். நிருப் பண்டாரி மற்றும் நீதா அசோக் ஆகியோரும் இந்தப் படத்தில் நடித்துள்ளனர். இந்நிலையில் இந்தப் படத்தின் டிரைலர் வெளியாகியுள்ளது. அட்வெஞ்சர் நிறைந்த திரில் படமாக உருவாகி உள்ள இந்த படம் தமிழ், தெலுங்கு, கன்னடம், மலையாளம், இந்தி ஆகிய 5 மொழிகளில் வெளியாக உள்ளது. வரும் ஜூலை 28-ம் தேதி 3டி டெக்னலாஜியில் இந்தப் படம் உலகம் முழுவதும் வெளியாக இருப்பதாக படக்குழுவினர் அறிவித்துள்ளனர்