கொழும்பில் இரண்டு நீதிமன்ற வழக்குகளுக்காக தேடப்பட்டு வந்த நைஜீரிய பிரஜை ஒருவர் போலியான சீஷெல்ஸ் கடவுச்சீட்டுடன் மலேசியா மற்றும் சிங்கப்பூர் ஊடாக நாட்டை விட்டு கம்போடியாவிற்கு தப்பிச் செல்ல முயன்ற நிலையில் கைது செய்யப்பட்டுள்ளார்.
கடந்த ஞாயிற்றுக்கிழமை இரவு பண்டாரநாயக்க சர்வதேச விமான நிலையத்தில் (BIA) வைத்து குறித்த நபர் குடிவரவு அதிகாரிகளால் கைது செய்யப்பட்டுள்ளதாக தெரிவிக்கப்பட்டுள்ளது.
சந்தேக நபர் ஞாயிற்றுக்கிழமை இரவு 10.30 மணியளவில் கோலாலம்பூருக்குச் செல்லும் MH 178 என்ற மலேசியன் ஏர்லைன்ஸ் விமானத்தில் கோலாலம்பூர் மற்றும் சிங்கப்பூருக்கான விமானத்தில் ஏற முயன்றதாக குடிவரவு வட்டாரங்கள் தெரிவித்துள்ளன.
இதன்போது அவரது கடவுச்சீட்டின் மீது சந்தேகம் கொண்ட குடிவரவு திணைக்கள அதிகாரி பயணி மீது சந்தேகமடைந்து மேலதிக விசாரணைகளுக்காக அவரை தலைமை குடிவரவு அதிகாரியிடம் ஒப்படைத்தார்.
அங்கு சந்தேக நபரிடம் விசாரணை நடத்தப்பட்டது, ஆனால் அவர் அதிகாரிகளுடன் ஒத்துழைக்காமல் சற்றே கட்டுக்கடங்காமல் வாக்குவாதத்தில் ஈடுபட்டதுடன் அவரது உண்மையான இருப்பிடத்தை கூற மறுத்துவிட்டார்.
சீஷல்ஸ் கடவுச்சீட்டு போலியானது
குடிவரவு அதிகாரிகள் பின்னர் விமான நிலையத்தில் உள்ள எல்லை கண்காணிப்பு பிரிவின் நிபுணத்துவ உதவியை நாடினர். இதன்போது சீஷல்ஸ் கடவுச்சீட்டு போலியானது என்பதை அறிய பயண ஆவணங்கள் தொழில்நுட்ப பரிசோதனைக்கு உட்படுத்தப்பட்டன.
பயணியின் கடவுச்சீட்டில் அவர் பேயட் சாம்சன் என்ற பெயரில் சீஷெல்ஸ் குடிமகனாக இருந்தார். ஆனால் அவர் முதலில் நைஜீரிய நாட்டைச் சேர்ந்த அபுஜாவைச் சேர்ந்த ஜூட் சிசிம்திரி அன்யான்வு என்று அதிகாரிகள் கண்டறிந்தனர்.
மேலும், சந்தேக நபர் 2018ம் ஆண்டு நாட்டிற்கு வந்ததாகவும், நிதி மோசடிகள் தொடர்பாக கொழும்பு மேல் நீதிமன்றத்திலும், கொழும்பு பிரதான நீதவான் நீதிமன்றிலும் இரண்டு விசாரணைகளின் மூலம் தேடப்பட்டு வந்தவர் எனவும் குடிவரவு அமைப்பு விபரங்களை வழங்கியிருந்தது.
வழக்குகள் முடியும் வரை அவர் நாட்டை விட்டு வெளியேறக் கூடாது என்றும் அவரது அசல் கடவுச்சீட்டை நீதிமன்றங்கள் பறிமுதல் செய்ய வேண்டும் என்றும் உத்தரவிடப்பட்டுள்ளது.
பிரதம குடிவரவு அதிகாரி மற்றும் குடிவரவு குடியகழ்வு அதிகாரி ஆகியோர் மேலதிக விசாரணைகளை மேற்கொண்டு வருகின்றனர். சீஷெல்ஸ் கடவுச்சீட்டு இலங்கையில் போலியாக தயாரிக்கப்பட்டுள்ளதாக அவர்கள் சந்தேகிக்கின்றனர்.
சந்தேக நபர் மேலதிக விசாரணைகளுக்காக பண்டாரநாயக்க சர்வதேச விமான நிலையத்தின் குற்றப் புலனாய்வு திணைக்கள அதிகாரிகளிடம் ஒப்படைக்கப்பட்டுள்ளார்.