ரத்தம் படத்திற்காக உருவாகும் சிறப்பு பாடல் காட்சி
சி.எஸ்.அமுதன் இயக்கத்தில் விஜய் ஆண்டனி நடிக்கும் புதிய படம் ரத்தம். ஒரு மரணத்தைச் சுற்றி நடக்கும் சம்பவங்களை மையமாக கொண்டு இப்படம் உருவாகி வருகிறது. இப்படத்தை இன்பினிடி பிலிம் வென்ச்சர்ஸ் நிறுவனம் தயாரித்து வருகிறது. விஜய் ஆண்டனிக்கு ஜோடியாக ரம்யா நம்பீசன், நந்திதா ஸ்வேதா மற்றும் மஹிமா நம்பியார் ஆகியோர் நடித்து வருகின்றனர் . முக்கிய கதாபாத்திரங்களில் ஜெகன், நிழல்கள் ரவி, ஜான் மகேந்திரன், கலை ராணி, மகேஷ், சுந்தர் ஆகியோர் நடிக்கின்றனர் .
சமீபத்தில் இந்த படத்தின் படப்பிடிப்பு நிறைவு பெற்றது . இந்நிலையில் இப்படத்தின் புரோமோஷனுக்காக பாடல் ஒன்று உருவாகி வருகிறது. இதற்கான படப்பிடிப்பு தற்போது நடைபெற்று வருகிறது. தெருக்குரல் அறிவு இந்த பாடலை எழுதியுள்ளார். கல்யாண் மாஸ்டர் நடனத்தில் இப்பாடல் உருவாகி வருகிறது. தற்போது இந்த பாடல் படப்பிடிப்பு தளத்தில் இருந்து சில புகைப்படங்கள் வெளியாகியுள்ளன .