Nothing Phone 1 Processor: சில மாதங்களாகவே நத்திங் போன் (1) குறித்த பேச்சு உலகம் முழுவதிலும் ஒலித்து வருகிறது. இது போனின் மீதான எதிர்பார்ப்பை மக்கள் மத்தியில் அதிகரிக்கச் செய்துள்ளது. தற்போது, இந்த ஸ்மார்ட்போன் குறித்து மேலும் பல தகவல்கள் கசிந்துள்ளன.
அதில் முக்கியமாக, குவால்காம் ஸ்னாப்டிராகன் 7 ஜென் 1 5ஜி சிப்செட் (Qualcomm Snapdragon 7 Gen 1) இருக்கும் என்று எதிர்பார்த்திருந்த நிலையில், போனானது குவால்காம் ஸ்னாப்டிராகன் 778ஜி+ புராசஸர் (Snapdragon 778G+) கொண்டிருக்கும் என்று கூறப்படுகிறது.
இது தொடர்பாக நத்திங் நிறுவனத்தின் தலைமை செயல் அலுவலர் ஒரு அறிக்கையை வெளியிட்டுள்ளார். அதில், திறன்வாய்ந்த பிளாக்ஷிப் புராசஸர்கள் வெளிப்படுத்தும் அதே ஆற்றலை வெளிப்படுத்தும் சிப்செட்டாக குவால்காம் ஸ்னாப்டிராகன் 778ஜி+ சிப்செட் இருக்கிறது என்று தெரிவித்துள்ளார்.
மேலும், இந்த சிப்செட் பயன்படுத்தினால், குறைந்த விலையில் நல்ல ஆற்றலை வெளிப்படுத்தும் ஸ்மார்ட்போனை பயனர்களுக்கு கொடுக்கலாம் என்ற எண்ணம் எங்களுக்குத் தோன்றியது. அதன் விளைவாகவே, இந்த புதிய ஸ்னாப்டிராகன் சிப்செட்டை பயன்படுத்தி உள்ளோம்.
Samsung Camera: ஸ்மார்ட்போன் புகைப்பட உலகை மாற்றும் சாம்சங்? புதிய 200MP கேமரா சென்சார் அறிமுகம்!
குவால்காம் நிறுவனத்துடன் கூட்டாண்மை
போனிற்கு பேட்டரி ஆயுள் என்பது எப்போதும் முக்கியம் தான். இதன் காரணமாக, Qualcomm நிறுவனத்துடன் Nothing நேரடியாக கூட்டாண்மையைக் கொண்டுள்ளது. இதன் காரணமாக, விரைவான சார்ஜிங் ஆதரவை பயனர்கள் பெறுவர்.
மேலும், வயர்லெஸ் சார்ஜிங், ரிவர்ஸ் சார்ஜிங் போன்ற அம்சங்களும் குவால்காம் ஆதரவுடன் நிறுவப்பட்டுள்ளது. எனவே, இது நத்திங் போன் (1) பாதுகாப்பு தன்மையை மேலும் பலப்படுத்தியுள்ளது.
Facebook: பேஸ்புக், இன்ஸ்டாகிராமில் பணம் சம்பாதிக்க மார்க் சொன்ன 5 வழிகள்!
நத்திங் போன் (1) வடிவமைப்பு (Nothing Phone 1 Design)
நத்திங் போன் 1 வடிவமைப்பு தான், மக்களை அதிகமாகக் கவர்ந்திருக்கிறது என்று சொல்லலாம். பின்பக்கம் உள்ளிருப்பவை பிரதிபலிக்கும் கண்ணாடி பொருத்தப்பட்டுள்ளது. இது வேறெந்த போனிலும் இல்லாத டிசைன் ஆகும்.
மேலும், இந்த கண்ணாடிக்குப் பின் 5 மின்னல் கீற்று விளக்கும் பிரமாதமாக நிறுவப்பட்டுள்ளது. சார்ஜிங், மெசேஜ் விழிப்பூட்டல்கள், கேமரா லைட்டிங்காக இது பல வகைகளின் பயன்படுத்தலாம் என்று நிறுவனம் தெரிவித்துள்ளது.
முக்கியமாக, இதுவரை போனில் வெள்ளை நிற மாடல் மட்டுமே வெளியே கசிந்து வந்தது. ஆனால், கருப்பு நிறத்திலும் ஒரு வகை இருப்பதாக தற்போது தகவல் கிடைத்துள்ளது.
நத்திங் போன் (1) முன்பதிவு (Nothing Phone 1 Pre order)
நத்திங் போன் இன்வைட் முறையில் முதற்கட்டமாக வழங்கப்படுகிறது. ஜூலை 12ஆம் தேதி வெளியாகும் இந்த போனை வாங்க வாடிக்கையாளர்களிடத்தில், இன்வைட் குறியீடு இருக்க வேண்டும்.
Power Saving Tips: மின்கட்டண உயர்வால் பதற்றம் வேண்டாம் – இந்த வழியை பின்பற்றி பில் தொகையை பாதியாக்கலாம்!
இதை வைத்து, ஜூன் 30 (இன்று) ஆம் தேதிக்குள் பிளிப்கார்ட் தளத்தில் முன்பதிவு செய்ய வேண்டும். இதற்காக ரூ.2000 கட்டணமாக வசூலிக்கப்படும். இந்த கட்டணம், பின்னர் நத்திங் போன் (1) விலையில் இருந்து கழிக்கப்படும் என்பது குறிப்பிடத்தக்கது.