Upcoming Motorola Phones July 2022: மோட்டோரோலா நிறுவனம் மோட்டோ ஜி42 ஸ்மார்ட்போனை இந்தியாவில் அறிமுகம் செய்கிறது. ஸ்னாப்டிராகன் 680 புராசஸர், அமோலெட் டிஸ்ப்ளே, 5,000mAh பேட்டரி ஆகிய அம்சங்களைக் கொண்டுள்ள இந்த மொபைல், ஜூலை 4ஆம் தேதி இந்தியாவில் அறிமுகமாகிறது.
அதோடு நின்றுவிடாமல், இம்மாதம் வேறும் இரண்டு போன்களையும் நிறுவனம் களமிறக்குகிறது. மோட்டோ ஜி62 5ஜி, மோட்டோ எட்ஜ் 30 ப்ரோ அல்ட்ரா ஆகிய இரு ஸ்மார்ட்போன்களும் இம்மாதத்தில் வெளியாகும் என்று எதிர்பார்க்கப்படுகிறது.
இதில் Motorola Frontier என்று அறியப்படும் மோட்டோ எட்ஜ் 30 ப்ரோ அல்ட்ரா ஸ்மார்ட்போனில், உலகின் முதல்முறையாக 200 மெகாபிக்சல் கேமரா வழங்கப்படும் என்று தெரியவந்துள்ளது. மேலும், இந்த பிளாக்ஷிப் ஸ்மார்ட்போனில் குவால்காம் ஸ்னாப்டிராகன் 8+ ஜென் 1 சிப்செட் இருக்கும் என்று கூறப்படுகிறது.
Nothing Phone (1): நத்திங் போன் (1) குறித்து வெளியான சூடான தகவல்!
முக்கியமாக, Qualcomm Snapdragon 8+ gen 1 புராசஸரில் வெளியாகும் முதல் ஸ்மார்ட்போனாக இது இருக்கும் என்பது சிறப்பு. திறன்வாய்ந்த அம்சங்களுடன் வரும் இந்த ஸ்மார்ட்போன் முதலில் சீனாவில் அறிமுகம் செய்யப்படுகிறது.
மோட்டோ ஜி62 5ஜி அம்சங்கள் (Moto G62 5G Specifications)
மோட்டோ ஜி62 போனில் 120Hz 6.5 இன்ச் முழு எச்டி+ ஐபிஎஸ் எல்சிடி டிஸ்ப்ளே கொடுக்கப்படும். இந்த போன் ஸ்னாப்டிராகன் 480+ சிப்செட் கொண்டு இயங்கும். இதில் 4ஜிபி ரேமும், 128ஜிபி ஸ்டோரேஜ் மெமரியும் இருக்கும்.
போனில் படம்பிடிக்க் 50 மெகாபிக்சல் முதன்மை சென்சார், 8 மெகாபிக்சல் அல்ட்ராவைட் சென்சார், 2 மெகாபிக்சல் மேக்ரோ சென்சார் ஆகியவை அடங்கிய டிரிப்பிள் ரியர் கேமரா அமைப்பு கொடுக்கப்படும். 16 மெகாபிக்சல் செல்பி கேமராவும் வழங்கப்படும்.
Samsung Camera: ஸ்மார்ட்போன் புகைப்பட உலகை மாற்றும் சாம்சங்? புதிய 200MP கேமரா சென்சார் அறிமுகம்!
ஆண்ட்ராய்டு 12 அடிப்படையிலான ஸ்கின் இதில் இருக்கும். மோட்டோ ஜி62 5ஜி போனை சக்தியூட்ட 5,000mAh பேட்டரியும், அதனை ஊக்குவிக்க 20W டர்போ சார்ஜிங் ஆதரவும் கிடைக்கும். ஸ்மார்ட்போனில் பொழுதுபோக்கு அம்சங்களை மேம்படுத்துவதற்காக ஸ்டீரியோ ஸ்பீக்கர்கள் டால்பி அட்மாஸ் தரத்தில் கொடுக்கப்படும்.
மோட்டோ எட்ஜ் 30 ப்ரோ அல்ட்ரா சிறப்பம்சங்கள் (Motorola Edge 30 Pro Ultra Specifications)
போனின் பின்புறத்தில் சாம்சங்கின் 200 மெகாபிக்சல் S5KHP1 சென்சாரை முதன்மை கேமராவாக மோட்டோ பயன்படுத்துகிறது. மேலும், 50 மெகாபிக்சல் சாம்சங் S5KJN1SQ03 (JN1) அல்ட்ரா வைட் லென்ஸ், 12 மெகாபிக்சல் சோனி நிறுவனத்தின் IMX663 வைட் ஆங்கில் சென்சார் ஆகியவை கொண்டு பின்புறத்தின் மூன்று கேமரா கொண்ட அமைப்பு இந்த ஸ்மார்ட்போனில் உள்ளது.