ஒமைக்ரானின் துணை வகைகளான பி.ஏ.4 மற்றும் பி.ஏ.5 வைரஸ்களின் பரவல் காரணமாக இங்கிலாந்தில் கொரோனா தொற்றால் பாதிக்கப்பட்டிருப்பவர்கள் எண்ணிக்கை ஒரே வாரத்தில் 32 சதவீதம் அதிகரித்துள்ளது.
கடந்த 25-ம் தேதி வரையிலான ஒருவார கால கட்டத்தில் இங்கிலாந்தில் 23 லட்சம் பேருக்கு கொரோனா பாதிப்பு கண்டறியப்பட்டுள்ளது.
இதில் பி.ஏ.4 மற்றும் பி.ஏ.5 வைரஸ்களின் பாதிப்பு 5 லட்சத்திற்கும் அதிகமானோருக்கு உறுதியாகி இருப்பதாக தேசிய புள்ளி விவரங்கள் அலுவலகம் தெரிவித்துள்ளது.
கடந்த ஒரு வாரத்தில் வடக்கு அயர்லாந்தில் 25-ல் ஒருவருக்கு அதாவது சுமார் 71 ஆயிரம் பேருக்கும், வேல்ஸில் 30-ல் ஒருவருக்கு அதாவது சுமார் 1 லட்சத்து 6 ஆயிரத்து 500 பேருக்கும் கொரோனா பாதிப்பு கண்டறியப்பட்டுள்ளது.