ஐதராபாத் தேசியச் செயற்குழுக் கூட்டத்தில் பங்கேற்ற பாஜக தலைவர்களுக்குத் தெலங்கானாவைச் சேர்ந்த புகழ்பெற்ற சமையல் கலைஞர் யாதம்மா தலைமையிலான குழுவினர் ஐம்பது வகையான தென்னிந்திய சைவ உணவு வகைகளைச் சமைத்துப் பரிமாறியுள்ளனர்.
ஆந்திர தெலங்கானா மாநிலங்களுக்கு உரிய குழம்பு, கூட்டு, பொரியல், அவியல் வகைகள், கோங்குரா துவையல், ஜவ்வரிசிப் பாயசம் உள்ளிட்ட ஐம்பது உணவு வகைகளைக் கூட்ட அரங்கில் உள்ள சமையற் கூடத்தில் தயாரித்து வழங்கினர்.
பல மாநிலங்களில் இருந்து வந்திருந்த பாஜக தலைவர்கள், தாங்கள் சமைத்து வழங்கிய உணவை விரும்பி உண்டதுடன் தங்களைப் பாராட்டியதாகச் சமையற்கலைஞர் யாதம்மா தெரிவித்தார்.
உணவு சமைக்கும் பணியைத் தங்களிடம் ஒப்படைத்த தெலங்கானா பாஜக தலைவர் பாண்டி சஞ்சய்குமாருக்கு நன்றி தெரிவித்தார்.