நம்மூரில் காய்கறிகளை வாங்கும்போது, கொத்தமல்லி, கறிவேப்பிலையை கடைக்காரரிடம் வாடிக்கையாளர்கள் கொசுறாக கேட்பது வழக்கம். பெரிய கடைகளில் இவை கொசுறாகவும், சில்லறை விற்பனை கடைகளில் 5, 10 ரூபாய்க்கும் கறிவேப்பிலை விற்கப்படுவதும் வழக்கமாக இருந்து வருகிறது.
ஆனால் ஒரு கட்டு கறிவேப்பிலை இந்திய ரூபாய் மதிப்பில் 80 ரூபாய்க்கு விற்கப்படுகிறது; அதுவும் அமெரிக்காவில் என்றால் உங்களால் நம்ப முடிகிறதா? ஆனால் நீங்கள் நம்பிதான் ஆக வேண்டும்.
ஆமாம்… அங்கு தற்போது ஒரு தட்டு கறிவேப்பிலை 80 ரூபாய்க்கும், வீட்டை பெருக்கும் துடைப்பம் 473 ரூபாய்க்கும் விற்கப்பட்டு வருகின்றதாம். அத்துடன் ஒரு பன்னீர் பாக்கெட்டின் விலை 400 ரூபாயாம். ஒருவர் 7000 ரூபாய் கொண்டு சென்றால் 10 மளிகைப் பொருட்களை வாங்கி வர முடிகிறதாம்.
அடக்கொடுமையே… கழிவுநீரில் இருந்த தயாரிக்கப்படும் பீருக்கு இவ்வளவு வரவேற்பா?
கறிவேப்பிலை உள்ளி்ட்ட சமையல் ஐயிட்டங்கள், பல்வேறு மளிகைப் பொருட்கள் இந்தியாவில் இருந்து இறக்குமதி செய்யப்பட்டு வருவதுதான் இவற்றின் விலை இவ்வளவு தாறுமாறாக உயர்ந்து வருவதற்கு காரணமாம்.
இதுதொடர்பாக மும்பையைச் சேர்ந்த நபர் அண்மையில் தனது இன்ஸ்டாகிராம் பக்கத்தில் அமெரிக்காவில் அத்தியாவசியப் பொருட்களின் விலை பட்டியலை குறிப்பிட்டு வெளியிட்டிருந்த வீடியோ சமூக வலைதளங்களில் தற்போது வைரலாகி வருகிறது.