ஆந்திர மாநிலத்தில், பிரதமர் நரேந்திர மோடி வருகைக்கு எதிர்ப்பு தெரிவித்து, காங்கிரஸ் கட்சியினர் பறக்க விட்ட கருப்பு பலூன்கள், பிரதமரின் ஹெலிகாப்டரை நெருங்கியதால் பரபரப்பு ஏற்பட்டது.
ஆந்திர மாநிலம் பீமாவரத்தில், விடுதலைப் போராட்ட வீரர் அல்லூரி சீதாராம ராஜூவின் 125வது பிறந்த நாளின் ஓராண்டு கால விழா இன்று சிறப்பாக நடைபெற்றது. இதில் பிரதமர் நரேந்திர மோடி கலந்து கொண்டு 30 அடி உயர வெண்கல சிலையை திறந்து வைத்தார். பின்னர் அவர் விஜயவாடாவில் இருந்து ஹெலிகாப்டரில் கிளம்பினார்.
அப்போது பிரதமர் நரேந்திர மோடியின் வருகைக்கு எதிர்ப்பு தெரிவித்து காங்கிரஸ் கட்சியினர் கருப்பு பலூன்களை பறக்க விட்டு போராட்டம் நடத்தினர். அப்போது காங்கிரசார் பறக்கவிட்ட பலூன்கள் நடுவானில் பிரதமர் நரேந்திர மோடி இருந்த ஹெலிகாப்டரை நெருங்கியதால் பரபரப்பு ஏற்பட்டது.
இதற்கிடையே, இந்த விவகாரம் தொடர்பதாக இதுவரை காங்கிரஸ் கட்சியைச் சேர்ந்த 4 பேர் கைது செய்யப்பட்டு உள்ளதாகவும், அவர்கள் விரைவில் நீதிமன்றத்தில் ஆஜர்படுத்தப்படுவார்கள் எனவும், கிருஷ்ணா மாவட்ட டிஎஸ்பி விஜய் பால் தெரிவித்தார்.
‘குஜராத்திலும் இலவச மின்சாரம்’ – வாக்குறுதிகளை அள்ளி வீசும் ஆம் ஆத்மி!
மேலும், பிரதமர் நரேந்திர மோடியின் பாதுகாப்பில் எந்த அச்சுறுத்தலும் இல்லை என்றும், பாதுகாப்பு மீறல் இல்லை என்றும் போலீசார் தெரிவித்து உள்ளனர்.