டெல்லியில் இருந்து துபாய் சென்ற ஸ்பைஸ்ஜெட் விமானத்தின் எரிபொருளை சுட்டும் இன்டிகேட்டர் திடீரென பழுதானதையடுத்து அந்த விமானம் பாகிஸ்தானின் கராச்சி நகரில் அவசரமாகத் தரையிறக்கப்பட்டது.
பயணிகள் அனைவரும் பத்திரமாக இறக்கி விடப்பட்டு 11 மணி நேரம் கழித்து 138 பயணிகள் மாற்று விமானத்தில் துபாய் அனுப்பி வைக்கப்பட்டனர்.
இதனிடையே குஜராத் மாநிலம் காண்டலாவில் இருந்து மும்பை வந்த ஸ்பைஸ் ஜெட் விமானத்தின் வெளிப்பகுதியில் உள்ள விண்ட் ஷீட்டர் உடைந்து நொறுங்கியது.
நடுவானில் ஏற்பட்ட இந்தப் பழுதால் ஆபத்தில் சிக்கிய விமானம் விமான நிலைய அதிகாரிகளின் அனுபவத்தால் பத்திரமாக மும்பையில் தரையிறக்கப்பட்டது.