புதிய வேலைவாய்ப்புகளை உருவாக்குவதில் கோவை டாப்பு.. நாக்ரி-ன் கலக்கல் ரிப்போர்ட்..!

நாக்ரி ஜாப்ஸ்பீக் இன்டெக்ஸ்

நாக்ரி ஜாப்ஸ்பீக் இன்டெக்ஸ் தரவுகள் படி ஜூன் மாதம் மெட்ரோ மற்றும் மெட்ரோ அல்லாத நகரங்களில் அதிகப்படியான வேலைசேர்ப்பு (Hiring) அளவு பெரிய அளவிலான வளர்ச்சியைப் பதிவு செய்துள்ளது.

மெட்ரோ நகரங்கள்

மெட்ரோ நகரங்களில் வழக்கம் போல் மும்பை வேலைசேர்ப்பு (Hiring) அளவில் 43 சதவீத வருடாந்திர வளர்ச்சியைப் பதிவு செய்துள்ளது. மும்பையைத் தொடர்ந்து கொல்கத்தா (+29%), டெல்லி (+29%), சென்னை (+21%), பெங்களூர் (+17%), புனே (+15%), மற்றும் ஹைதராபாத் (+11%) ஆகியவை அதிகப்படியான வளர்ச்சியை அடைந்துள்ளது.

 

கோயமுத்தூர் டாப்பு

இதேபோல் மெட்ரோ அல்லாத நகரங்களில் கோயமுத்தூர் கடந்த ஜூன் மாதத்தை ஒப்பிடுகையில் வேலைசேர்ப்பு (Hiring) அளவில் 60 சதவீத வருடாந்திர வளர்ச்சியைப் பதிவு செய்துள்ளது. இதைத் தொடர்ந்து கொச்சி 51 சதவீத வளர்ச்சியும், ஜெய்ப்பூர் 19 சதவீத வளர்ச்சியும் பதிவு செய்துள்ளது. அகமதாபாத் மற்றும் சண்டிகர் ஆகியவை மட்டுமே மந்தமான வளர்ச்சியைப் பதிவு செய்துள்ளது.

துறை சார்ந்த வளர்ச்சி

மேலும் துறைவாரியாகப் பார்க்கும் போது டிராவில் மற்றும் ஹாஸ்பிடாலிட்டி துறையில் Hiring அளவு 125% வருடாந்திர வளர்ச்சியைப் பதிவு செய்துள்ளது. இதைத் தொடர்ந்து ரீடைல் (+75%), BFSI (+58%), இன்சூரன்ஸ் (+48%), கல்வி (+47%), ரியல் எஸ்டேட் (+46%), ஆட்டோ (+37%) மற்றும் எண்ணெய் மற்றும் எரிவாயு (+36 %) வளர்ச்சி அடைந்துள்ளது. பார்மா/பயோடெக் மற்றும் டெலிகாம் மட்டும் மந்தமான வளர்ச்சியைப் பதிவு செய்துள்ளது.

பிரஷ்ஷர்ஸ் வேலைவாய்ப்பு

அனைத்திலும் முக்கியமான பிரஷ்ஷர்ஸ் பணியில் சேர்க்கும் அளவீட்டில் மெட்ரோ பிரிவில் மும்பை-யில் 93 சதவீதமும், மெட்ரோ அல்லாத பிரிவில் கொச்சி – யில் 105 சதவீதமும் வளர்ச்சி அடைந்துள்ளது. மேலும் ஜூன் மாதம் தான் வரலாற்றிலேயே பிரஷ்ஷர்ஸ் பணியில் சேர்ப்பு விகிதம் 30 சதவீத வருடந்திர வளர்ச்சி அடைந்து சாதனை படைத்துள்ளது.