Xiaomi 12S Ultra Leica Camera: சியோமி தனது அல்ட்ரா சூப்பர் ஸ்மார்ட்போனை சீனாவில் அறிமுகம் செய்துள்ளது. அதன்படி, புதிய சியோமி 12எஸ் அல்ட்ரா போனை லெய்கா கேமராவுடன் அறிமுகம் செய்துள்ளது. ஜெர்மன் கேமரா நிறுவனமான லெய்காவுடன் இணைந்து சியோமி வெளியிடும் முதல் போன் இது என்பதால், இதற்கான எதிர்பார்ப்புகள் அதிகரித்துள்ளன.
கடந்த ஆண்டு நிறுவனம் MI 11 Ultra போனை பயனர்களுக்காக அறிமுகம் செய்தது. ஆனால், இம்முறை கேமரா தொழில்நுட்பத்தை வானுயர சியோமி எடுத்துச் சென்றுள்ளது. லெய்கா கேமரா என்பது உலகளவில் உள்ள வல்லுநர்களால் அங்கீகரிக்கப்பட்ட சிறந்த கேமரா தொழில்நுட்பத்தைக் கொண்ட நிறுவன தயாரிப்பாகும்.
iPhone 14 Pre Order: ஐபோன் 14 முன்பதிவு தொடக்கம்? என்ன சொல்றீங்க… அதுக்குள்ளயா!
இந்த போனில் இந்த ஒரு அம்சம் மட்டும் தான் ஸ்பெஷல் என்று நினைக்க வேண்டாம். குவால்காம் நிறுவனத்தின் அதிதிறன் வாய்ந்த ஸ்னாப்டிராகன் 8+ ஜென் 1 சிப்செட் இதில் நிறுவப்பட்டுள்ளது. ஸ்மார்ட்போனை குறித்த மேலும் பல தகவல்களை தெரிந்து கொள்ளலாம்.
சியோமி 12எஸ் அல்ட்ரா விலை (Xiaomi 12S Ultra Price in India)
புதிய சியோமி பிளாக்ஷிப் ஸ்மார்ட்போன் விலை சீனாவில் CNY 5.999 முதல் தொடங்குகிறது. இது இந்திய மதிப்பில் ரூ.70,793 ஆக உள்ளது. இரண்டு வகைகளில் வரும் ஸ்மார்ட்போன், Verdant Green மற்றும் Classic Black ஆகிய இரு நிறத் தேர்வுகளில் வருகிறது.
Asus ROG Phone 6: கேமிங் விரும்பியா நீங்கள்? முன்னும் பின்னும் டிஸ்ப்ளே… இதுல வேற லெவல் அம்சங்கள் இருக்கு மக்களே!
போனின் பின்பக்கம் லெதர் பூச்சு போன்ற வடிவமைப்பைக் கொண்டுள்ளது. சீனாவில் வெளியாகி இருக்கும் இந்த ஸ்மார்ட்போனின் விற்பனை இந்தியா, ஐரோப்பிய நாடுகளில் எப்போது விற்பனைக்கு வரும் என்பது குறித்த எந்த தகவலும் இதுவரை வெளியாகவில்லை.
சியோமி 12எஸ் அல்ட்ரா அம்சங்கள் (Xiaomi 12S Ultra Specifications)
சியோமி 12எஸ் செல்போனில் 6.73 இன்ச் E5 அமோலெட் LTPO 2.0 டிஸ்ப்ளே உள்ளது. இது QHD+ ரெசலியூஷன் கொண்ட 120Hz ரெப்ரெஷ் ரேடுடன் இருக்கும். 1200 பீக் பிரைட்னஸ், HDR10+, டால்பி விஷன் ஆதரவும் இந்த டிஸ்ப்ளேயில் இருக்கும்.
ஸ்மார்ட்போன் ஸ்னாப்டிராகன் 8+ ஜென் 1 (Qualcomm Snapdragon 8+ Gen 1) சிப்செட் கொண்டு இயக்கப்படும். 8ஜிபி / 12ஜிபி LPDDR5 ரேம் இதில் கொடுக்கப்பட்டுள்ளது. மேலும், 256ஜிபி / 512ஜிபி UFS 3.1 ஸ்டேரேஜ் மெமரியும் வழங்கப்படும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
போனின் பின்பக்கம் 50 மெகாபிக்சல் 4-இன்-1 பிக்சல் பின்னிங் தொழில்நுட்பத்திலான 1 இன்ச் முதன்மை கேமரா, 48 மெகாபிக்சல் அல்ட்ரா வைட் லென்ஸ், ஒரு பெரிஸ்கோப் டெலிபோட்டோ கேமரா என மூன்று கேமரா அமைப்புக்க் கொண்டுள்ளது.
திறன்வாய்ந்த சியோமி 12எஸ் அல்ட்ரா போனை சக்தியூட்ட 4,860mAh பேட்டரி வழங்கப்பட்டுள்ளது. இதனை திறனூட்ட 67W பாஸ்ட் சார்ஜிங் ஆதரவும், 50W வயர்லெஸ் சார்ஜிங் ஆதரவும் பயனர்களுக்கு கிடைக்கும். மேலும், லெய்கா நிறுவனத்தின் பிரத்யேக கேமரா செயலி மூலம், DSLR தரத்திலான படங்களை எடுக்க முடியும் என்று நிறுவனம் உறுதியளித்துள்ளது.