மூத்த கலைஞர்களிடம் ஆசி பெற்ற ஐஸ்வர்யா அர்ஜூன்
தென்னிந்திய சினிமாவின் முன்னணி நடிகரான அர்ஜூனின் மூத்த மகள் ஐஸ்வர்யா. விஷால் ஜோடியாக பட்டத்துயானை படத்தில் அறிமுகமானார். அதன்பிறகு அர்ஜூன் இயக்கத்தில் கன்னடத்தில் ஒரு படத்தில் நடித்தார். இந்த நிலையில் அர்ஜூன் தன் மகளை தெலுங்கில் அறிமுகப்படுத்துகிறார்.
தெலுங்கு படத்தை அர்ஜூனே இயக்குகிறார், விஷ்வக் சென் ஹீரோவாக நடிக்கிறார். இதில் ஜெகபதி பாபு முக்கிய வேடத்தில் நடிக்கிறார். கே.ஜி.எப் இசை அமைப்பாளர் ரவி பஸ்ருர் இசையமைக்கிறார். பாலமுருகன் ஒளிப்பதிவு செய்கிறார். ஸ்ரீராம் பிலிம்ஸ் இன்டர்நேஷனல் சார்பில் நடிகர் அர்ஜுன் இந்தப் படத்தைத் தயாரிக்கிறார். இதன் தொடக்க விழா சமீபத்தில் ஐதராபாத்தில் நடந்தது.
இந்நிலையில், தெலுங்கு சினிமாவில் அறிமுகமாகும் ஐஸ்வர்யா அர்ஜுன், பிரபல இயக்குநர் கே.விஸ்வநாத், பிரபல தெலுங்கு நடிகரும் ஹீரோ மகேஷ்பாபுவின் தந்தையுமான கிருஷ்ணா ஆகியோரை சந்தித்து அவர்களின் காலில் விழுந்து வணங்கி ஆசி பெற்றார். அப்போது அர்ஜூனும் உடன் இருந்தார்.