பிரித்தானியாவில், தன் மகளுடன் பள்ளியிலிருந்து வீடு திரும்பிக்கொண்டிருந்த ஒரு பெண்ணும், அவரது மகளும் மர்ம நபர் ஒருவரால் பாலியல் தாக்குதலுக்குள்ளான விடயம் பரபரப்பை ஏற்படுத்தியுள்ளது.
இங்கிலாந்திலுள்ள Coventry என்ற இடத்தில், ஒரு பெண் தனது மகளை பள்ளியிலிருந்து அழைத்துக்கொண்டு வீடு திரும்பிக்கொண்டிருந்திருக்கிறார்.
அப்போது மர்ம நபர் ஒருவர் அவர்களைப் பின் தொடர்ந்திருக்கிறார். திடீரென அந்த நபர் அந்தப் பெண்ணிடமும் அவரது மகளிடமும் தவறாக நடந்துகொள்ள முயன்றிருக்கிறார். எப்படியோ அங்கிருந்து தன் மகளை இழுத்துக்கொண்டு பாதுகாப்பான இடத்துக்குத் தப்பியோடிய அந்தப் பெண், உடனடியாக பொலிசாருக்கு தகவலளித்திருக்கிறார்.
ஏற்கனவே, இதேபோல் ஒரு பெண் தன் மகளுடன் நடந்து சென்றுகொண்டிருந்தபோது, இரண்டு ஆண்கள் அந்த சிறுமியை வலுக்கட்டாயமாக முத்தமிட்ட சம்பவத்தால் மக்கள் அதிர்ச்சியடைந்திருந்த நிலையில், தற்போது இந்த சம்பவமும் அதிர்ச்சியை ஏற்படுத்தியுள்ளது.
இந்த சம்பவம் தொடர்பாக விசாரணை மேற்கொண்டு வரும் பொலிசார், சம்பந்தப்பட்ட நபரைக் கண்டுபிடிக்க பொதுமக்களின் உதவியை கோரியுள்ளார்கள்.
