தனுஷின் 'நானே வருவேன்' செப்டம்பர் 30 வெளியீடு?
செல்வராகவன் இயக்கத்தில் தனுஷ் நடிப்பில் உருவாகி வரும் நானே வருவேன் படத்தின் படப்பிடிப்பு சமீபத்தில் நிறைவு பெற்றது. தாணு தயாரிக்கும் இப்படத்தில் தனுஷ் இரட்டை வேடங்களில் நடித்துள்ளார். யுவன் சங்கர் ராஜா இசையமைக்கிறார். முக்கிய கதாபாத்திரங்களில் செல்வராகவன், இந்துஜா, யோகிபாபு, சுவீடவ் நாட்டை சேர்ந்த நடிகை எல்லி அவ்ராம் , பிரபு ஆகியோர் நடித்துள்ளனர் .
தற்போது இந்த படத்தின் தயாரிப்பு பணிகள் தொடங்கி விறுவிறுப்பாக நடைபெற்று வருகிறது. டிரைலர் தயாராக உள்ளதாக தயாரிப்பு நிறுவனம் சார்ந்தவர்கள் கூறுகிறார்கள் . மேலும் இப்படம் வருகின்ற செப்டம்பர் மாதம் 30 ஆம் தேதி திரைக்கு வரஇருப்பதாக கூறப்படுகிறது . இது குறித்த அதிகாரபூர்வ தகவல் விரைவில் வெளியாகலாம். அன்றைய தினம் தான் மணிரத்னம் இயக்கி உள்ள பொன்னியின் செல்வன் படமும் வெளியாக உள்ளது.
தனுஷின் ஹாலிவுட் படமான தி க்ரே மேன் ஜூலை 22 ஆம் தேதியும், தனுஷ் நடித்துள்ள திருச்சிற்றம்பலம் திரைப்படம் வருகின்ற ஆகஸ்ட் 18 ஆம் தேதியும் வெளியாக இருக்கிறது என்பது குறிப்பிடத்தக்கது.