ரஷ்யா – உக்ரைன் போரால் நடந்த சோகம்.. ஐநா அதிர்ச்சி ரிப்போர்ட்..!

உக்ரைன் – ரஷ்யா போர்

உக்ரைன் மீது ரஷ்யா போர் தொடுத்த நிலையில் வல்லரசு நாடுகள் உட்பட நேட்டோ பிரிவில் இருக்கும் அனைத்து நாடுகளும் ரஷ்யா மீது அதிகப்படியான வர்த்தகத் தடைகளை விதித்தது. இதன் வாயிலாக உலகளவில் சப்ளை செயின் அதிகளவில் பாதிக்கப்பட்டது.

உணவு மற்றும் எரிசக்தி

இதன் விளைவாக உணவு மற்றும் எரிசக்தி பொருட்களின் விலை தாறுமாறாக உயர்ந்து உலகளவில் சுமார் 71 மில்லியன் மக்கள் வறுமையில் தள்ளப்பட்டு உள்ளதாக ஐக்கிய நாடுகளின் வளர்ச்சித் திட்டம் (UNDP) வெளியிட்ட சமீபத்திய அறிக்கையில் எச்சரித்துள்ளது.

 

UNDP நிர்வாகி அச்சிம் ஸ்டெய்னர்

இந்த அறிக்கை குறித்து UNDP நிர்வாகி அச்சிம் ஸ்டெய்னர் கூறுகையில் 159 வளரும் நாடுகளின் தரவுகளை ஆய்வு செய்த போது, ரஷ்யா – உக்ரைன் போர் காரணமாக மட்டும் இந்த ஆண்டு முக்கியமான பொருட்களின் விலை உயர்வு ஆப்பிரிக்கா, பால்கன் (Balkan), ஆசியா மற்றும் உலக நாடுகளின் சில பகுதிகளைக் கடுமையாகப் பாதித்துள்ளது எனத் தெரிவித்துள்ளார்.

51.6 மில்லியன் மக்கள்

ரஷ்யா – உக்ரைன் போர் துவங்கிய முதல் மூன்று மாதங்களில் 51.6 மில்லியன் மக்கள் வறுமையில் வீழ்ந்தனர், ஒரு நாளைக்கு 1.90 டாலர் அல்லது அதற்கும் குறைவாகப் பணத்தைக் கொண்டே மக்கள் வாழ்ந்து வருவதாக ஐநா அறிக்கை கூறுகிறது.

7.1 கோடி மக்கள் வறுமை

கொரோனா, ரஷ்யா – உக்ரைன் போர் மூலம் உலகளவில் வறுமையில் இருக்கும் மொத்தம் மக்கள் தொகை 9 சதவீதமாக உயர்த்தியது. கொரோனா தொற்றுக் காலத்தில் லாக்டவுன், வர்த்தகம் மற்றும் வேவைவாய்ப்புச் சரிவு ஆகியவற்றின் மூலம் 12.5 கோடி மக்கள் வறுமையைச் சந்தித்த நிலையில், ரஷ்யா – உக்ரைன் போர் மூலம் 7.1 கோடி மக்கள் வறுமையை எதிர்கொண்டு உள்ளனர்.