Tecno Camon 19 Series Launch: டெக்னோ நிறுவனம் இந்தியாவில் Tecno Camon 19 தொகுப்பு ஸ்மார்ட்போன்களை அறிமுகப்படுத்துகிறது. டெக்னோ கேமன் 19 (Tecno Camon 19), கேமன் 19 நியோ (Tecno Camon 19 Neo) ஆகியவை இதில் அடங்கும் என்று தெரியவந்துள்ளது.
இரண்டு போன்களின் அறிமுகம் குறித்து டெக்னோ ட்வீட் செய்துள்ளது. இரண்டு டெக்னோ கேமன் 19 சீரிஸ் போன்களும் அமேசானில் பட்டியலிடப்பட்டுள்ளன. மேலும் டெக்னோ கேமன் 19 சீரிஸ் போன்கள் 64 மெகாபிக்சல் RGBW முதன்மை கேமராவைக் கொண்டிருக்கும் என்று கூறப்படுகிறது.
எதிர்பார்க்கப்படும் டெக்னோ கேமன் 19 சீரிஸ் விலை (Tecno Camon 19 Series Expected Price in India)
இந்திய மதிப்பில் சுமார் 15,500 ரூபாய்க்கு, சமீபத்தில் Tecno Camon 19 Neo போன் வங்கதேசத்தில் அறிமுகப்படுத்தப்பட்டது. இந்த விலையானது போனின் 6ஜிபி ரேம், 128ஜிபி ஸ்டோரேஜ் மெமரி வேரியண்டுக்கு ஆகும். இந்த தொடரில் உள்ள Tecno Camon 19 Pro விலை இந்திய மதிப்பில் சுமார் ரூ.21,000 முதல் தொடங்குகிறது.
அதிகம் விற்பனையாகும் பட்ஜெட் Redmi 10 போனை வெறும் 249 ரூபாய்க்கு வாங்குவது எப்படி?
டெக்னோ கேமன் 19 சீரிஸ் சிறப்பம்சங்கள் (Tecno Camon 19 Series Expected Specs)
டெக்னோ கேமன் 19 மற்றும் டெக்னோ கேமன் 19 நியோ போன்கள் இரண்டும் ஒரே மாதிரியான அம்சங்களுடன் சிறிய மாற்றங்களுடன் இந்தியாவில் வெளியிடப்படும் என்று கூறப்படுகிறது.
Tecno Camon 19 ஆனது ஆண்ட்ராய்டு 12 அடிப்படையிலான HiOS 8.6 ஸ்கின்னை கொண்டு இயங்கும். இதில் 6.8 இன்ச் முழு எச்டி+ கொடுக்கப்படும். புதிய டெக்னோ 19 சீரிஸ் போனில் 6ஜிபி ரேம், 128ஜிபி ஸ்டோரேஜ் மெமரி இருக்கும் என்று கூறப்படுகிறது.
Nothing Phone (1) கேமரா மாதிரி படங்கள் – போட்டானா இப்டி இருக்கணும்!
ஸ்மார்ட்போனில் மீடியாடெக் ஹீலியோ ஜி85 (MediaTek Helio G85) புராசஸர் கொடுக்கப்படலாம். இந்த போனில் மூன்று பின்புற கேமராக்கள் இருக்கும். அதில், 64 மெகாபிக்சல் RGBW சென்சார் முதன்மை கேமராவாக இருக்கும்.
கூடுதலாக, குவாட் எல்இடி ஃபிளாஷ் லைட்டும் கொடுக்கப்படும். மேலும் ஸ்மார்ட்போனில் 16 மெகாபிக்சல் செல்ஃபி கேமரா வழங்கப்படும். போனை சக்தியூட்ட 5000mAh பேட்டரியும், 18W பாஸ்ட் சார்ஜிங் ஆதரவும் கிடைக்கும் என்று எதிர்பார்க்கப்படுகிறது.
Nothing Phone 1 அறிமுக சலுகைகள் இதுதான் – ஆனா, ஒரு முக்கியமான விஷயம் இருக்காது!
டெக்னோ கேமன் 19 நியோ அம்சங்கள் என்ன?
இந்த போனிலும் ஆண்ட்ராய்டு 12 இயங்குதளம் இருக்கும். இதில் 6.8 இன்ச் முழு எச்டி+ பஞ்ச் ஹோல் டிஸ்ப்ளே கொடுக்கப்படும். கேமன் 19 போலவே இதிலும் 6ஜிபி ரேம், 128ஜிபி உள்ளடக்க சேமிப்பு வழங்கப்படும்.
போனை மீடியாடெக் ஹீலியோ ஜி85 புராசஸர் இயக்கும். இதிலும் மூன்று பின்புற கேமராக்களும் இருக்கும். ஆனால் சற்று வித்தியாசமாக இதன் முதன்மை சென்சார் 48 மெகாபிக்சலாக கொடுக்கப்படும் என்று எதிர்பார்க்கப்படுகிறது.
செல்ஃபி, வீடியோ அழைப்புகளுக்காக இந்த போனில் 32 மெகாபிக்சல் கேமரா கொடுக்கப்படலாம் என்றும் எதிர்பார்ப்புகள் நிலவுகிறது. Tecno Camon 19 Neo ஆனது 18W சார்ஜிங் ஆதரவுடன் வரும் 5000mAh பேட்டரியைக் கொண்டுள்ளது.