இந்தியாவிற்கு வரும் 'தி கிரே மேன்' இயக்குனர்கள் ரூசோ பிரதர்ஸ்
தமிழ் சினிமாவின் முன்னணி நடிகர்களில் ஒருவரான தனுஷ் நடிக்கும் நெட்பிளிக்ஸ் ஒரிஜனல் ஆங்கிலப்படமான 'தி கிரே மேன்' படம் இந்த மாதம் ஜுலை 22ம் தேதி நெட்பிளிக்ஸ் ஓடிடி தளத்தில் உலகம் முழுவதும் வெளியாக உள்ளது.
இந்தப் படத்திற்கான புரமோஷன் வெளிநாடுகளில் தற்போது நடந்து வருகிறது. அதில் நடிகர் தனுஷ் கலந்து கொண்டு பத்திரிகையாளர்களை சந்தித்து வருகிறார். அந்த வீடியோக்கள் சமூக வலைத்தளங்களில் வைரலாகப் பரவி வருகிறது. அவரது பேச்சை வெளிநாட்டு பத்திரிகையாளர்கள் மிகவும் வரவேற்றுள்ளார்கள்.
இந்நிலையில் படத்தை இந்தியாவிலும் புரமோஷன் செய்ய முடிவு செய்துள்ளார்கள். இது குறித்து படத்தின் இயக்குனர்களான ரூசோ பிரதர்ஸ் வெளியிட்டுள்ள வீடியோ ஒன்றில் தாங்கள் இந்தியா வருவதைப் பற்றி அறிவித்துள்ளார்கள். மும்பையில் நடைபெறும் பிரிமீயர் காட்சி மற்றும் பத்திரிகையாளர் சந்திப்பில் தனுஷுடன் அவர்கள் கலந்து கொள்ள உள்ளார்கள்.