Vivo T1x ஸ்மார்ட்போன் இந்தியாவில் ஜூலை 20ஆம் தேதி அறிமுகப்படுத்தப்படும் என்று தகவல் வெளியாகியுள்ளது. இந்த தகவலை விவோ நிறுவனம் தனது அதிகாரப்பூர்வ சமூக ஊடக பக்கங்கள் மூலம் தெரிவித்துள்ளது.
விவோ டி1எக்ஸ் போனின் 4G, 5G ஆகிய இரண்டு வேரியண்டுகளும் உலகளாவிய சந்தைகளில் கிடைக்கின்றன. போனின் 4ஜி மாறுபாடு ஏப்ரல் மாதத்தில் மலேசியாவில் அறிமுகப்படுத்தப்பட்டது. இது குவால்காம் ஸ்னாப்டிராகன் 680 சிப்செட் உடன் வருகிறது.
எனவே, இப்போது நிறுவனம் அதன் 5G இணைப்பு மாறுபாட்டை இந்தியாவில் அறிமுகப்படுத்த தயாராக உள்ளது. புதிய விவோ 5ஜி போனில் இரட்டை பின்புற கேமரா அமைப்புள்ளது. போன் வெளியீட்டு நிகழ்வு ஜூலை 20ஆம் தேதி பகல் 12 மணிக்கு திட்டமிடப்பட்டுள்ளது.
புதிய விவோ போனில் இரட்டை பின்புற கேமரா அமைப்பு உள்ளது. இது நீலம், கருப்பு ஆகிய இரு வண்ண வகைகளில் வருகிறது. விவோ இந்தியா இணையதளத்தில் இதற்காக ஒரு மைக்ரோ தளமும் உருவாக்கப்பட்டுள்ளது.
விவோ T1x 5Gவிலை – Vivo T1x 5G Price in India
சீனாவில் Vivo T1x 5G போனின் 6ஜிபி ரேம், 128ஜிபி சேமிப்பு மாறுபாடு சுமார் ரூ.19,900 (CNY 1,699) ஆக விற்பனை செய்யப்படுகிறது. எனவே இந்தியாவில் இந்த போனின் விலை ரூ.20,000க்குள் நிர்ணயம் செய்யப்படும் என எதிர்பார்க்கப்படுகிறது.
விவோ T1x 5G அம்சங்கள் – Vivo T1x 5G Features
விவோ டி1எக்ஸ் போன் 6.58 இன்ச் முழு எச்டி பிளஸ் டிஸ்ப்ளே உடன் வருகிறது. இதன் பிக்சல் 1080×2408 ஆக இருக்கிறது. 120Hz ரெப்ரெஷ் ரேட் இந்த டிஸ்ப்ளேயில் வழங்கப்பட்டுள்ளது. ஆண்ட்ராய்டு 12 இயங்குதள அடிப்படையிலான விவோ ஸ்கின் இதில் பயன்படுத்தப்பட்டுள்ளது.
இந்த மொபைலில் ஆக்டாகோர் மீடியாடெக் டிமென்சிட்டி 900 சிப்செட் (OctaCore MediaTek Dimensity 900 SoC) பயன்படுத்தப்பட்டுள்ளது. இதில் 8ஜிபி வரை ரேம் உள்ளது. 256ஜிபி வரையிலான சேமிப்பு ஆதரவையும் இந்த போன் கொண்டிருக்கும்.
போனில் இரட்டை பின்புற கேமரா அமைப்பு உள்ளது. இதில் 64 மெகாபிக்சல் முதன்மை சென்சார், 2 மெகாபிக்சல் இரண்டாம் நிலை சென்சார் கொடுக்கப்பட்டுள்ளது. முன்பக்கம் 8 மெகாபிக்சல் செல்ஃபி கேமரா வழங்கப்பட்டுள்ளது.
போனின் பக்கவாட்டில் கைரேகை சென்சார் பொருத்தப்பட்டுள்ளது. போனை சக்தியூட்ட 5000mAh பேட்டரி வழங்கப்பட்டுள்ளது. இந்த பேட்டரியை திறனூட்ட 44W பாஸ்ட் சார்ஜிங் ஆதரவும் பயனர்களுக்கு கிடைக்கும்.