சென்னை: தமிழகஅரசு நேற்று வெளியிட்ட 44வது செஸ் ஒலிம்பியாட் போட்டிக்கான டீசரில், சென்னையின் பிரதான சாலையான கடற்கரை காமராஜர் சாலையில் உள்ள நேம்பியர் பாலம் செஸ் கட்டங்களுடன் பிரமாண்டமாக காணப்படுகிறது.
இந்தியாவில் முதல் முறையாக செஸ் ஒலிம்பியாட் போட்டி நடத்தப்படவுள்ளது. அதுவும், தமிழ்நாட்டில் மாமல்லபுரத்தில் நடைபெற உள்ளது. இந்த 44ஆவது செஸ் ஒலிம்பியாட் போட்டிக்காக இசையமைப்பாளர் ஏ.ஆர்.ரஹ்மான் உருவாக்கிய டீசர் விடியோவை நடிகர் ரஜினிகாந்த் நேற்று வெளியிட்ட்டார். இந்த டீசர் வைரலாகி வருகிறது. இந்த விடியோ பிரமாண்டமாக கலைஅம்சத்துடன் உருவாக்கப்பட்டுள்ளதுடன், அதில் கடற்கரை காமராஜர் சாலையில் உள்ள நேம்பியர் பாலம் செஸ் கட்டங்களுடன் பிரமாண்டமாக காணப்படுகிறது. இது பெரும் வரவேற்பை பெற்றுள்ளது.
