ஓடிடியில் வெளியாகும் சசி படம்
பூ, பிச்சைக்காரன், டிஷ்யூம், சிவப்பு மஞ்சள் பச்சை உள்ளிட்ட படங்களை இயக்கிவர் சசி. தற்போது ஹரிஷ் கல்யாண் நடிக்கும் 'நூறு கோடி வானவில்' படத்தை இயக்கி முடித்துள்ளார். இப்படத்தில் சித்தி இட்னானி கதாநாயகியாக நடிக்கிறார். கோவை சரளா, தம்பி ராமையா, சின்னி ஜெயந்த், சம்பத் உள்பட நடித்துள்ளனர். பாலாஜி காப்பா, அருண் அருணாச்சலம் தயாரிக்கும் இப்படத்துக்கு சித்து குமார் இசையமைக்கிறார். பிரசன்னா குமார் ஒளிப்பதிவு செய்கிறார்.
இந்த படத்தின் படப்பிடிப்பு மும்பையில் நடந்து வந்தது. தற்போது படப்பிடிப்பு பணிகள் முடிவடைந்திருக்கிறது. படம், டிஸ்னி ப்ளஸ் ஹாட்ஸ்டார் தளத்தில் விரைவில் வெளியாக உள்ளது. இது ஓடிடி தளத்திற்கென்று தயாராகும் படம் என்று ஏற்கெனவே அறிவிக்கப்பட்டிருந்தது. ஒரு முன்னணி இயக்குனரின் படம் தியேட்டருக்கு வராமல் ஓடிடி தளத்திற்கு செல்வது தியேட்டர் அதிபர்களிடையே அதிருப்தியை ஏற்படுத்தி உள்ளது.