வாரியரை ஒதுக்கினார்களா ஜூனியர் என்டிஆர் – ஆல்லு அர்ஜுன் ?
ரன், சண்டக்கோழி, பையா என தமிழ் சினிமாவுக்கு ஸ்டைலிஷான ஆக்சன் படங்களை கொடுத்தவர் இயக்குனர் லிங்குசாமி. ஒரு கட்டத்தில் அவரது டைரக்சனில் நடிக்க ஆர்வமாக காத்திருந்த முன்னணி ஹீரோக்கள் அப்படியே பின்வாங்கி விட்டனர். சில வருட இடைவெளிக்கு பிறகு தெலுங்கு இளம் ஹீரோவை வைத்து தி வாரியர் என்கிற படத்தை இருமொழிப்படமாக இயக்கியுள்ளார் லிங்குசாமி.. கடந்த சில தினங்களுக்கு முன் வெளியான இந்தப்படம் கலவையான விமர்சனங்களை பெற்றுள்ளது.
குறிப்பாக லிங்குசாமி தனது முந்தைய படங்களின் தாக்கத்தில் இருந்து இன்னும் வெளிவரவில்லை என்றும் அவரது படங்களில் இருந்தே பல காட்சிகளை இந்தப்படத்தில் மீண்டும் இடம்பெற வைத்துள்ளார் என்றும் விமர்சனங்கள் எழுந்தன.
இந்தநிலையில் இந்தப்படத்தின் கதையை ஜூனியர் என்டிஆர் மற்றும் அல்லு அர்ஜுன் ஆகியோரிடம் லிங்குசாமி சொன்னதாகவும் ஆனால் அவர்கள் இருவரும் சில காரணங்களால் இதில் நடிக்க மறுத்துவிட்டதாகவும் தற்போது ஒரு தகவல் வெளியாகி உள்ளது.