Google Pixel 6a Leaked Price: பெரும் எதிர்பார்ப்புகளுக்கு மத்தியில் கூகுள் பிக்சல் 6ஏ ஸ்மார்ட்போன் ஜூலை மாத இறுதியில் இந்தியாவில் அறிமுகம் செய்யப்படும் என்று எதிர்பார்க்கப்படுகிறது. ஆனால், இந்த போனின் விலை அறிமுகத்திற்கு முன்பே வெளியாகியுள்ளது. அந்தவகையில் போனின் விலை சுமார் ரூ.35,000 ஆக இருக்கலாம் எனத் தகவல் கிடைத்துள்ளது.
புதிய கூகுள் பிக்சல் போன் ஆன்லைன் ஷாப்பிங் தளமான பிளிப்கார்ட் மூலம் விற்பனைக்குக் கொண்டுவரப்படுகிறது. Google Pixel 6a போன் மே மாதம் Google I/O 2022 நிகழ்வில் அறிமுகம் செய்யப்பட்டது. இந்த கூகுள் போன் நிறுவனத்தின் பிரத்யேக டென்சார் சிப்செட்டுடன் வருகிறது.
Instagram: டிஜிட்டல் கடைக்கு வழிவகை செய்யும் இன்ஸ்டாகிராம் – புதிய அம்சங்கள் அறிமுகம்!
போன் வெளியான சமயத்தில் இதன் விலை இந்தியாவில் ரூ.45,000க்கும் அதிகமாக வெளியிடப்படும் என்று கூறப்பட்டது. ஆனால், சமீபத்தில் களம்கண்ட நத்திங் போன் 1 போன்ற ஸ்மார்ட்போன்களுடனான போட்டிகளை தவிர்க்க நிறுவனம் தற்போது ரூ.35,000 என்ற விலையில் போனை இந்தியாவிற்குள் கொண்டு வர திட்டமிட்டுள்ளது.
அமெரிக்காவில் கூகுள் பிக்சல் 6ஏ போனின் 6ஜிபி ரேம், 128ஜிபி சேமிப்பு வேரியண்டின் விலை $449 டாலராக உள்ளது. பிக்சல் 6ஏ இந்திய வெளியீட்டு விவரங்கள் குறித்து கூகுள் இன்னும் அதிகாரப்பூர்வமாக எந்த தகவலையும் வெளியிடவில்லை என்றாலும், இந்த மாத இறுதியில் போன் வெளியாகும் எனத் தகவல்கள் தெரிவிக்கின்றன.
கூகுள் பிக்சல் 6ஏ அம்சங்கள் (Google Pixel 6a Specifications)
இந்த ஸ்மார்ட்போனில் 6.1 FHD+ OLED டிஸ்ப்ளே கொடுக்கப்பட்டுள்ளது. இருப்பினும், இந்த டிஸ்ப்ளே 60Hz ரெப்ரெஷ் ரேட்டை கொண்டிருக்கும். போனின் உள்ளே கூகுள் டென்சர் ஆக்டா கோர் புராசஸர், டைட்டன் எம்2 செக்யூரிட்டி சிப் நிறுவப்பட்டுள்ளது. Pixel 6a போன் Android 12 அடிப்படையிலான இயங்குதளத்தில் இயங்கும்.
இந்த போனில் LPDDR5 RAM அம்சம் இருக்கும். பிக்சல் 6ஏ ஸ்மார்ட்போனானது 128GB ஸ்டோரேஜ் மெமரியுடன் வருகிறது. இந்த போனில் இருந்து 3.5mm ஹெட்ஃபோன் ஜாக் கொடுக்கப்படாதது பின்னடைவாகப் பார்க்கப்படுகிறது.
பேஸ்புக், கூகுள் வருவாயில் இனி உங்களுக்கும் பங்கு உண்டு! அதிரடி உத்தரவை பிறப்பிக்கும் அரசு!
இந்த ஸ்மார்ட்போனில் 5ஜி இணைப்பு ஆதரவு உள்ளது. Pixel 6a போனை ஊக்குவிக்க 4,410mAh பேட்டரியும் அதனை ஊக்குவிக்க வேகமான பாஸ்ட் சார்ஜிங் ஆதரவும் வழங்கப்பட்டுள்ளது. அறிமுக தின சலுகைகளும் பிளிப்கார்ட்டில் வழங்கப்படும் எனத் தகவல்கள் தெரிவிக்கின்றன.
புதிய கூகுள் பிக்சல் போனின் பின்புறத்தில் இரட்டை கேமரா அமைப்பு உள்ளது. முதன்மை கேமராவில் 12.2MP மெகாபிக்சல் சென்சார் உள்ளது. 12MP மெகாபிக்சல் அல்ட்ரா வைட் கேமராவும் இதனுடன் உள்ளது.
செல்ஃபி மற்றும் வீடியோ அழைப்புக்காக 8MP மெகாபிக்சல் கேமரா கொடுக்கப்பட்டுள்ளது. பின்பக்க கேமராவில் 4K 30 fps வரை வீடியோ பதிவு செய்ய முடியும் என்று நிறுவனம் தெரிவித்துள்ளது.