தள்ளிப்போகும் விக்ரமின் 'கோப்ரா' ரிலீஸ்?
நடிகர் விக்ரம் ஏகப்பட்ட கெட்டப்புகளில் நடித்து முடித்துள்ள படம் 'கோப்ரா'. 'இமைக்கா நொடிகள்' படத்தை இயக்கிய அஜய் ஞானமுத்து இயக்கியுள்ள இப்படத்தில் விக்ரமுக்கு ஜோடியாக ஸ்ரீநிதி ஷெட்டியும், வில்லனாக கிரிக்கெட் வீரர் இர்பான் பதானும் நடித்துள்ளனர். செவன் ஸ்கிரீன் ஸ்டுடியோஸ் தயாரித்து வரும் இப்படத்திற்கு ஏ.ஆர்.ரகுமான் இசையமைத்துள்ளார்.
இந்த படத்தின் பெரும்பாலான காட்சிகள் ரஷ்யாவில் படமாக்கப்பட்டுள்ளது. அதோடு விக்ரம் பல வேடங்களில் நடித்துள்ளதால் படத்திற்கான எதிர்பார்ப்பு ரசிகர்களிடையே அதிகமாக உள்ளது. இப்படம் ஆகஸ்ட் 11 -ஆம் தேதி வெளியாக இருப்பதாக அறிவிக்கப்பட்ட நிலையில் தற்போது இப்படத்தில் கிராபிக்ஸ் அதிகமாக இருப்பதால் திட்டமிட்டபடி பணிகள் முடியவில்லையாம். எனவே இப்படம் சொன்னபடி வெளியீட்டு தேதியில் வெளியாக வாய்ப்பில்லை என கூறப்படுகிறது. விரைவில் புதிய ரிலீஸ் தேதி அறிவிப்பு வரலாம் என்கிறார்கள்.