Google Pixel 6a Price in India: கூகுள் நிறுவனம் சமீபத்தில் அறிமுகம் செய்த கூகுள் பிக்சல் 6ஏ ஸ்மார்ட்போன் ஜூலை மாதம் 28 அன்று இந்தியாவில் விற்பனைக்குக் கொண்டுவரப்படுகிறது. புதிய கூகுள் பிக்சல் போன் ஆன்லைன் ஷாப்பிங் தளமான பிளிப்கார்ட் மூலம் விற்பனைக்குக் கொண்டுவரப்படுகிறது.
Google
Pixel 6a போன் மே மாதம் Google I/O 2022 நிகழ்வில் அறிமுகம் செய்யப்பட்டது. இந்த கூகுள் போன் நிறுவனத்தின் பிரத்யேக டென்சார் சிப்செட்டுடன் வருகிறது. ஐரோப்பிய சந்தையில் விற்கப்பட்டு வரும் இந்த ஸ்மார்ட்போன் தற்போது இந்தியாவிற்குள் நுழைகிறது.
Nothing Phone 1 Sale: ரூ.32,999 மதிப்புள்ள போனை வெறும் ரூ.1,567க்கு வாங்க அருமையான வாய்ப்பு!
கூகுள் பிக்சல் 6ஏ அம்சங்கள் (Google Pixel 6a Specifications)
பிக்சல் 6ஏ போனில் 6.1 FHD+ OLED டிஸ்ப்ளே கொடுக்கப்பட்டுள்ளது. இருப்பினும், இந்த டிஸ்ப்ளே 60Hz ரெப்ரெஷ் ரேட்டை கொண்டிருக்கும். போனின் உள்ளே கூகுள் டென்சர் ஆக்டா கோர் புராசஸர், டைட்டன் எம்2 செக்யூரிட்டி சிப் நிறுவப்பட்டுள்ளது. Pixel 6a போன் Anroid 12 அடிப்படையிலான இயங்குதளத்தில் இயங்கும்.
இந்த ஸ்மார்ட்போனில் 5ஜி இணைப்பு ஆதரவு உள்ளது. Pixel 6a போனை ஊக்குவிக்க 4,410mAh பேட்டரியும் அதனை ஊக்குவிக்க வேகமான பாஸ்ட் சார்ஜிங் ஆதரவும் வழங்கப்பட்டுள்ளது. அறிமுக தின சலுகைகளும் பிளிப்கார்ட்டில் வழங்கப்படும் எனத் தகவல்கள் தெரிவிக்கின்றன.
இந்த போனில் LPDDR5 RAM அம்சம் இருக்கும். பிக்சல் 6ஏ ஸ்மார்ட்போனானது 128GB ஸ்டோரேஜ் மெமரியுடன் வருகிறது. இந்த போனில் இருந்து 3.5mm ஹெட்ஃபோன் ஜாக் கொடுக்கப்படாதது பின்னடைவாகப் பார்க்கப்படுகிறது.
செல்ஃபி மற்றும் வீடியோ அழைப்புக்காக 8MP மெகாபிக்சல் கேமரா கொடுக்கப்பட்டுள்ளது. பின்பக்க கேமராவில் 4K 30 fps வரை வீடியோ பதிவு செய்ய முடியும் என்று நிறுவனம் தெரிவித்துள்ளது.
புதிய கூகுள் பிக்சல் போனின் பின்புறத்தில் இரட்டை கேமரா அமைப்பு உள்ளது. முதன்மை கேமராவில் 12.2MP மெகாபிக்சல் சென்சார் உள்ளது. 12MP மெகாபிக்சல் அல்ட்ரா வைட் கேமராவும் இதனுடன் உள்ளது.
Jio Recharge Plan: ஜியோ வழங்கும் ஒரு மாதம் செல்லுபடியாகும் பல திட்டங்கள்!
கூகுள் பிக்சல் 6ஏ விலை மற்றும் சலுகைகள் (Google Pixel 6a Offer Price)
பிளிப்கார்ட் ஷாப்பிங் தளத்தில் விற்பனைக்கு வரும் கூகுள் பிக்சல் 6ஏ ஸ்மார்ட்போனின் அடிப்படை விலை ரூ.43,999 ஆக நிர்ணயம் செய்யப்பட்டுள்ளது. இதன் முன்பதிவு தொடங்கியுள்ள நிலையில், போனுக்கான சலுகைகளையும் நிறுவனம் வெளியிட்டுள்ளது.
அதன்படி ஆக்சிஸ் வங்கி கிரெடிட் அல்லது டெபிட் கார்டு வாடிக்கையாளர்களுக்கு கூடுதலாக ரூ.4,000 தள்ளுபடி வழங்கப்படுகிறது. மேலும், பழைய பிக்சல் போன்களை எக்ஸ்சேஞ்ச் செய்தால் கூடுதலாக ரூ.6,000 தள்ளுபடி கிடைக்கிறது.