கிளாடியேட்டர் கெட்டப்பில் அக்ஷய் கமல்! வைரலாகும் பழைய புகைப்படங்கள்
சின்னத்திரை நடிகர் அக்ஷய் கமல் முதன் முதலில் விஜய் டிவியின் ராஜா ராணி சீரியலில் தான் அறிமுகமானார். ஹரீஸ் என்ற சப்போர்ட்டிங் ரோலில் நடித்து பிரபலமானதால் ரசிகர்களால் அவரை ஹரீஸ் என்றே செல்லமாக அழைத்து வந்தனர். தற்போது ஜீ தமிழ் தொலைக்காட்சியின் 'ரெட்டை ரோஜா' தொடரில் ஹீரோவாக நடித்து வருகிறார்.
வொர்க்-அவுட்டுக்கு அதிக முக்கியத்துவம் கொடுத்து வரும் அக்ஷய் கமல் தனது சிக்ஸ் பேக் புகைப்படத்தை வெளியிட, ரசிகர்கள் மத்தியில் அந்த புகைப்படம் கவனம் ஈர்த்துள்ளது. இதனை தொடர்ந்து அவரது புரொபைலை ரசிகர்கள் அலசி ஆராய, சில மாதங்களுக்கு முன் கிளாடியேட்டர் கெட்டப்பில் அவர் வெளியிட்ட போட்டோஷூட் புகைப்படங்கள் இணையத்தில் வைரலாகி வருகின்றன. அதில் அவரது பிட்னஸை பார்த்து பாலிவுட் மட்டுமில்லாமல் ஹாலிவுட் ஹீரோக்களுடனும் அக்ஷய் கமலை கம்பேர் செய்து ரசிகர்கள் புகழ்ந்து வருகின்றனர்.