ஸ்ரீநகர் : ஜம்மு – காஷ்மீரில், அத்துமீறி நுழைந்த ஆளில்லா விமானத்தை, பாதுகாப்பு படையினர் துப்பாக்கிச் சூடு நடத்தி விரட்டியடித்தனர்.ஜம்மு – காஷ்மீரின் கனாச்சக் செக்டாரில் உள்ள சர்வதேச எல்லைப் பகுதிக்கு அருகே, நேற்று முன்தினம் இரவு, ஆளில்லா விமானம் இந்திய எல்லைக்குள் நுழைந்தது.
இதையடுத்து, பாதுகாப்பு படையினர் அந்த விமானத்தை சுட்டு விரட்டினர்.ஜம்மு, சம்பா, கதுவா மற்றும் ரஜோரி மாவட்டங்களின் எல்லைப் பகுதிகளில், ஆளில்லா விமானங்கள் வாயிலாக, பயங்கரவாதிகளுக்கு ஆயுதங்கள் வீசப்பட்டு வருகின்றன.இது தொடர்பாக, லஷ்கர் – இ – தொய்பா அமைப்பைச் சேர்ந்த ஏழு பேரை, பாதுகாப்பு படையினர் சமீபத்தில் கைது செய்தது குறிப்பிடத்தக்கது.
ஜம்மு – காஷ்மீரின் ரம்பன் மாவட்டத்தில் உள்ள போலீஸ் சோதனைச் சாவடி மீது, பயங்கரவாதிகள் கையெறி குண்டுகளை வீசி, நேற்று தாக்குதல் நடத்தினர். இதில், சோதனைச் சாவடியின் மேற்கூரை சேதமடைந்தது; வேறு எந்த பாதிப்பும் ஏற்படவில்லை. தப்பி ஓடிய பயங்கரவாதிகளை பாதுகாப்பு படையினர் தேடி வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement