ஹிட் சீரியலில் எண்ட்ரி கொடுக்கும் சாம்!
மியூசிக் சேனலில் வீஜேவாக அறிமுகமான சாம் தற்போது சீரியல் நடிகராக வலம் வருகிறார். தற்போது 'அருவி' சீரியலில் ஹீரோவின் அண்ணனாக நடித்து வருகிறார். சின்னத்திரையில் கடந்த சில வருடங்களாகவே பயணித்து வரும் சாமுக்கு பெரிய அளவில் பெயர் கிடைக்கவில்லை. எனினும், சமீபகாலங்களில் அவர் முக்கிய சீரியல்களில் கேரக்டரில் ரோலில் கமிட்டாகி வருகிறார். அந்த வகையில் ஜீ தமிழ் தொலைக்காட்சியின் ஹிட் சீரியலில் சாம் என்ட்ரி கொடுத்துள்ளார். ஜீ தமிழ் தொலைக்காட்சியில் சில மாதங்களுக்கு முன் ஆரம்பமாகி ஒளிபரப்பாகி வரும் தொடர் 'கண்ணத்தில் முத்தமிட்டால்'. இதில், அகிலன் என்ற முக்கிய கதாபாத்திரத்தில் நடித்து வந்த சாணக்யா திடீரென விலகி விட்டார். அவருக்கு பதிலாக சாம் தற்போது அந்த கேரக்டரில் நடித்து வருகிறார். சாணக்யாவிற்கு பல ரசிகர்கள் இருந்து வந்த நிலையில், இந்த மாற்றமானது அவர்களை வருத்தமடைய செய்துள்ளது. எனவே, கிடைத்த வாய்ப்பை பயன்படுத்தி சாம் ரசிகர்கள் மனதில் இடம் பிடிப்பாரா என்பதை பொறுத்திருந்து தான் பார்க்க வேண்டும்.