முத்தம் கொடுத்த அபிநவ்யா, வெட்கப்பட்ட தீபக்!
சின்னத்திரை பிரபலங்களான தீபக், அபிநவ்யா காதல் திருமணம் சில மாதங்களுக்கு முன் கோலாகலமாக நடந்து முடிந்தது. சின்னத்திரை ஜோடிகளில் ரசிகர்களின் பேவரைட் ஜோடிகளான இருவரும் அடிக்கடி தங்கள் காதல் கதைகளை சோஷியல் மீடியாக்கள் மூலம் ரசிகர்களுடன் பகிர்ந்து வருகின்றனர். சமீபத்தில் ஊடகம் ஒன்றுக்கு பேட்டிக் கொடுத்த அபிநவ்யா, தீபக் தனக்கு முழுசுதந்திரம் கொடுத்துள்ளதாக பெருமையாக பேசியிருந்தார்.
தற்போது அவர், போட்டோஷூட் ஒன்றுக்காக தீபக்கை உட்கார வைத்து மேக்கப் போட்டு விடுகிறார். அப்போது தன் காதல் கணவரின் நெற்றியில் முத்தமிட, ஒரு கணம் ஷாக்கான தீபக் அபிநவ்யாவை பார்த்து வெட்கத்தில் சிரிக்கிறார். இந்த ரொமான்ஸ் வீடியோ சமூக வலைதளத்தில் வெளியாகி ரசிகர்களை கவர்ந்துள்ளது. தீபக் – அபிநவ்யாவுக்கு இடையே இருக்கும் இந்த அன்னியோனியத்தையும் காதலையும் பார்க்கும் ரசிகர்கள் 'இதுவல்லவோ காதல். இதுவல்லவோ ஜோடி' என புகழ்ந்து வருகின்றனர்.