தம் அடிக்கும் வீடியோவை வெளியிட்ட ஷில்பா மஞ்சுநாத்!
தமிழில் 2018ம் ஆண்டு கிருத்திகா உதயநிதி இயக்கிய காளி படத்தில் விஜய் ஆண்டனிக்கு ஜோடியாக நடித்தவர் ஷில்பா மஞ்சுநாத். அதன்பிறகு இஸ்பேட் ராஜாவும் இதய ராணியும், பேரழகி, தேவதாஸ் பிரதர்ஸ் போன்ற படங்களில் நடித்த ஷில்பா மஞ்சுநாத், தற்போது நட்டி நடராஜுக்கு ஜோடியாக ஒரு படத்தில் நடித்து வருகிறார். இந்த படத்தில் போதை பழக்கத்துக்கு அடிமையான வேடத்தில் நடித்து வருகிறார்.
இந்நிலையில் அந்த காட்சியில் போதை பொருள் உட்கொள்வது, சிகரெட் பிடிப்பது போன்று தான் நடித்த வீடியோவை அவர் சமூக வலைதளத்தில் பதிவிட்டுள்ளார். அதோடு இந்த காட்சியில் தான் என்ஜாய் பண்ணி நடித்ததாகவும் குறிப்பிட்டு இருக்கிறார். ஆனால் போதை பொருள் பயன்படுத்துவது போன்று அவர் நடித்துள்ள இந்த காட்சி மற்றவர்களை போதை பழக்கத்துக்கு ஊக்குவிப்பது போல் உள்ளது என்று நெட்டிசன்கள் அந்த வீடியோவுக்கு தங்களது எதிர்ப்பினை பதிவிட்டு வருகிறார்கள்.