லோகேஷ் கனகராஜை பாராட்டிய ரஜினி, விஜய்
லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் சில மாதங்களுக்கு முன்பு திரையரங்குகளில் வெளியாகி சிறப்பான விமர்சனங்களை பெற்ற படம் விக்ரம். பகத் பாசில், விஜய் சேதுபதி, நரேன் ஆகியோர் முக்கிய கதாபாத்திரங்களில் நடித்திருந்தனர். அனிரூத் இந்த படத்திற்கு இசையமைத்திருந்தார். உலக அளவில் 450 கோடி ரூபாய்களுக்கும் மேல் வசூலித்துள்ளது.
சமீபத்தில் ஒரு ஊடகத்திற்கு பேட்டியளித்த லோகேஷ் கனகராஜ், விக்ரம் படம் குறித்து மீண்டும் பேசியுள்ளார். இந்தப் படத்தை நடிகர் விஜய் முதல்நாளே பார்த்ததாகவும், படம் வெளியான 2 மணிநேரத்தில் தனக்கு கால் செய்த அவர் மைண்ட் ப்ளோயிங் என்று படத்தை பாராட்டியதாகவும் லோகேஷ் தெரிவித்துள்ளார்.
மேலும் நடிகர் ரஜினிகாந்தும் விக்ரம் படத்தை இரண்டுமுறை பார்த்துவிட்டு போன் செய்து பாராட்டியதாகவும் லோகேஷ் கூறியுள்ளார் .
இயக்குனர் லோகேஷ் கனகராஜ் தற்போது விஜயின் 67 வது படத்தின் பணிகளை மேற்கொண்டு வருகிறார் .