துருக்கியில் இருந்து இத்தாலி நோக்கி சென்ற அகதிகள் படகு கிரீஸ் கடற்பகுதியில் விபத்துக்குள்ளாகியுள்ளது.
ஏஜியன் கடலில் கார்பதோஸ் தீவு பகுதியில் படகு விபத்து உள்ளாகி மூழ்கியுள்ளது. இதுபற்றி தகவல் அறிந்த கடலோர காவல் படையினர் மற்றும் விமானப் படையினர் மீட்பு பணியில் ஈடுபட்டுள்ளனர்.
படகில் சுமார் 80 பேர் பயணம் செய்த நிலையில், அவர்களில் 29 பேர் மீட்கப்பட்டதாகவும், 50 பேரை காணவில்லை என்றும் கடலோர காவல் படை அதிகாரிகள் தெரிவித்துள்ளனர்.
இந்த கடல் பகுதியில் 50 கிலோ மீட்டர் வேகத்தில் காற்று வீசுவதால் மீட்பு பணி சவாலாக உள்ளதாக தெரிவிக்கப்பட்டுள்ளது.
கடந்த ஜனவரி மாதத்தில் மத்திய தரைக்கடல் பகுதியில் 64 பேர், படகு விபத்தில் இறந்திருப்பதாக சர்வதேச அகதிகள் அமைப்பு தெரிவித்துள்ளது. இதேபோல் மைகோனோஸ் தீவில் கடந்த ஜூன் மாதம் படகு கவிழ்ந்ததில் 8 பேர் உயிரிழந்தனர். 108 பேர் மீட்கப்பட்டதாக ஐநா அகதிகள் அமைப்பு தெரிவித்துள்ளது.