இந்தியா தனது 75வது சுதந்திர தினத்தை வரும் 15ம் தேதி கொண்டாட இருக்கிறது. இந்த வரலாற்று சிறப்பு மிக்க தினத்தை கொண்டாட நாடு முழுவதும் ஏற்பாடுகள் நடந்து வருகின்றன.
முன்னதாக நாட்டின் 75வது சுதந்திர தினம் ஆசாதி கா அம்ரித் மஹோத்சவ் – சுதந்திர திருநாள் அமுதப் பெருவிழா என்ற பெயரில், நாடு முழுவதும் 75 இடங்களில் 75 வாரத்துக்கு கொண்டாட்டங்கள் நடைபெறும் என மத்திய அரசு அறிவித்துள்ளது.
இதன் ஒரு பகுதியாக, தெலங்கானாவில் தெலங்கான ராஷ்டிரிய சமிதி சார்பில், சுதந்திர தின பேரணி இன்று நடைபெற்றது. இந்த பேரணியில் அமைச்சர் ஸ்ரீநிவாஸ் கவுடா கலந்துகொண்டார்.
மோடி மீண்டும் பிரதமர் ஆக முடியாது?; பாஜ ஷாக்..உருவாகும் மெகா கூட்டணி!
சுதந்திர தின பேரணி சாலையில் வந்து கொண்டு இருந்தபோது ஸ்ரீநிவாஸ் கவுடா திடீரென கையில் வைத்திருந்த துப்பாக்கியால் வானத்தை நோக்கி சுட்டார். அவர் துப்பாக்கியால் சுடும்போது கட்சிக்காரர்கள், பொதுமக்கள் மற்றும் பாதுகாப்புக்காக வந்திருந்த போலீசார் என, அருகில் இருந்த அனைவரும் அதிர்ச்சி அடைந்தனர்.
இதனைத்தொடர்ந்து அங்கு பெரும் பரபரப்பு ஏற்பட்டதால் பேரணி பாதிலேயே கலைந்ததாக கூறப்படுகிறது. தெலங்கான அமைச்சர் துப்பாக்கியால் சுட்ட வீடியோ தற்போது சமூக வலைதளங்களில் வைரலாகி வருகிறது.
கையை விட்டு போகும் அதிமுக; எடப்பாடி பழனிச்சாமி அதிர்ச்சி!
அதே சமயம் வீடியோ வைரலாக பரவியதை தொடர்ந்து, ‘நான் சுட்டது ரப்பர் புல்லட் தான். மேலும் நான் ரைஃபில் அசோசியேஷனில் ஒரு மெம்பர்’ என அமைச்சர் கூலாக கூறி இருப்பதை சமூக வலைதளவாசிகள் வறுத்து எடுத்து வருகின்றனர்.