இந்தியாவின் 75ஆவது சுதந்திர தினத்தையொட்டி டெல்லி செங்கோட்டையில் காலை 7.30 மணிக்கு பிரதமர் நரேந்திர மோடி தேசியக்கொடியை ஏற்றினார்.
அதைத் தொடர்ந்து உரையாற்றிய பிரதமர் மோடி சுதந்திரத்துக்காக போராடிய பல்வேறு தலைவர்களை நினைவுகூர்ந்து பேசினார்.
நாட்டின் 75ஆவது சுதந்திர தினத்தை ஒட்டி டெல்லி செங்கோட்டையில் நடைபெறும் விழாவில் பிரதமர் நரேந்திர மோடி தேசியக் கொடியேற்றினார். சுமார் 10 ஆயிரம் பேர் பங்கேற்ற இவ்விழாவை முன்னிட்டு, செங்கோட்டையில் 10 ஆயிரத்துக்கும் மேற்பட்ட போலீசார் பாதுகாப்புப் பணியில் ஈடுபடுத்தப்பட்டுள்ளனர்.
தீவிரவாதிகள் தாக்குதல் நடத்தக்கூடும் என உளவுத்துறை எச்சரிக்கை விடுத்ததால் செங்கோட்டை பகுதியில் உள்ள கடைகளுக்கு சீல் வைத்து 400 சிசிடிவி கேமராக்கள் அமைத்து கண்காணிப்பு பணியில் ஈடுபட்டுள்ளனர்.
இந்தியா – பாகிஸ்தான் எல்லையிலும் கண்காணிப்பு தீவிரப்படுத்தப்பட்டுள்ளது. எல்லை பாதுகாப்பு படை வீரர்கள் தீவிர ரோந்துப் பணியில் ஈடுபட்டுள்ளனர். நாடு முழுவதும் பாதுகாப்பு பணிகள் தீவிரப்படுத்தப்பட்டுள்ள நிலையில், மக்கள் அனைவரும் சுதந்திர தினத்தை கொண்டாட தயாராகி வருகின்றனர்.