திமுகவில் சட்டமன்ற உறுப்பினராக இருந்த மதுரை டாக்டர் சரவணன் நடந்து முடிந்த சட்டமன்ற தேர்தலில் போட்டியிட வாய்ப்பு கிடைக்காத விரக்தியில் அப்போதைய தலைவர் எல்.முருகன் தலைமையில் பாஜகவில் இணைந்தார்.
பின்பு சில காலம் அங்கு மாவட்ட தலைவராகவும் பஜகவில் பதவி வகித்தார். இந்நிலையில் மறைந்த ராணுவ வீரர் உடலுக்கு அஞ்சலி செலுத்த வந்த தமிழக நிதித் துறை அமைச்சர் பிடிஆர் பழனிவேல் தியாகராஜன் வாகனத்தின் மீது செருப்பு வீசப்பட்ட சம்பவம் பெரும் பரபரப்பை ஏற்படுத்தியது.
பின்பு அமைச்சர் பிடிஆரை அன்று இரவே டாக்டர் சரவணன் சந்தித்து தனது வருத்தத்தை தெரிவித்தார். பின்பு வெளியே வந்து செய்தியாளர்களை சந்தித்த சரவணன் “மனசாட்சிக்கு உட்பட்டு தான் பாஜகவிலுருந்து விலகுவதாக அறிவித்தார். இது அரசியலில் பெரும் பரபரப்பை ஏற்படுத்தியது.
இந்நிலையில் மறுதினம் பாஜக மாநில தலைவர் அண்ணாமலை சரவணனை பாஜகவிலிருந்து நீக்குவதாக அறிவித்தார். இதை பகடி செய்யும் வகையில் ப.சிதம்பரம் டுவீட் ஒன்றை செய்துள்ளார்.
“பாஜக வில் இருந்து விலகுவதாக டாக்டர் சரவணன் அறிவித்தார் டாக்டர் சரவணனைக் கட்சியிலிருந்து நீக்குவதாக அண்ணாமலை அறிவித்தார் முட்டை முதலில் வந்ததா, கோழி முதலில் வந்ததா? வாழ்க சுதந்திரம்!”
இவ்வாறு ப.சிதம்பரம் தனது டுவீட்டில் தனது கருத்தை தெரிவித்துள்ளார். இது அரசியல் வட்டாரத்தில் பெரும் பரபரப்பை ஏற்ப்படுத்தியுள்ளது.