கொரோனா தொற்று உலகம் முழுவதும் பரவி பெரும் அச்சத்தை ஏற்ப்படுத்தி உள்ளது. இந்நிலையில் கொரோனா தொற்றின் தாக்கம் அதிகரித்துள்ளதாக தகவல் வெளியாகியுள்ளது. உலகம் முழுவதும் கொரோனா தொற்றால் பாதிக்கப்பட்டு வருபவர்களின் எண்ணிக்கை நாளுக்கு நாள் அதிகரித்துக் கொண்டே உள்ளது.
உலகம் முழுவதும் கொரோனா தொற்றால் பாதிக்கப்பட்டு வருபவர்களின் எண்ணிக்கை நாளுக்கு நாள் அதிகரித்துக் கொண்டே வரும் நிலையில் சற்று முன் வெளியான தகவலின் படி உலகம் முழுவதும் கொரோனா தொற்றால் பாதிக்கப்பட்டோரின் மொத்த எண்ணிக்கை 59.76 கோடியாக அதிகரித்துள்ளது.
உயர்ந்து வரும் கொரோனா தொற்று..! – உலக சுகாதார நிறுவனம் தெரிவிக்கும் அதிர்ச்சி தகவல்..!
இந்நிலையில் வடகொரியா அதிபர் கிம் ஜாங் அன் கொரோனாவை வென்று விட்டோம் என சமீபத்தில் தெரிவித்த நிலையில் தென் கொரியாவில் அங்கு தினசரி கொரோனா பாதிப்பு 2 லட்சத்தை நெருங்கியுள்ளது. நேற்று ஒரு நாளில் மட்டும் புதிதாக 1,80,803 பேருக்கு புதிதாக கொரோனா தொற்று உறுதி செய்யப்பட்டுள்ளது.
நேற்று முன்தினம் 84,128 பேருக்கு தொற்று உறுதி செய்யப்பட்ட நிலையில் ஒரே நாளில் பாதிப்பு இரு மடங்காக உயர்ந்துள்ளது. மேலும், தொற்று பாதிப்பு அதிகரித்தாலும் உயிரிழப்பு குறைந்துள்ளது என தென் கொரிய அதிகாரிகள் தெரிவித்துள்ளனர்.
அந்நாட்டின் சுகாதாரத்துறை புள்ளி விவரப்படி, அந்நாட்டில் மொத்தம் பாதிப்பு எண்ணிக்கை 2,18,61,296 ஆக உயர்ந்துள்ளது. நேற்று ஒரு நாளில் மட்டும் 61 கொரோனா உயிரிழப்பு பதிவான நிலையில், மொத்த உயிரிழப்பு எண்ணிக்கை 25,813 ஆக அதிகரித்துள்ளது. 470 பேர் தீவிர சிகிச்சை பிரிவில் சிகிச்சை பெற்று வருகின்றனர். தற்போதைய நிலை தொடரும் பட்சத்தில் தினசரி பாதிப்பு எண்ணிக்கை இந்த மாத இறுதியில் 2 லட்சமாக உச்சம் தொடும் என சுகாதார நிபுணர்கள் எச்சரித்துள்ளனர். முகக்கவசம், தடுப்பூசி போன்ற முன்னெச்சரிக்கை நடவடிக்கை, கோடை விடுமுறை நாள்கள், வானிலை நிலவரம் ஆகியவற்றை பொருத்து இந்த புதிய பரவலின் தாக்கம் மாறுபடும் என சுகாதாரத்துறை தெரிவித்துள்ளது.
இது தென் கொரியாவில் மக்களை பீதி அடையச்செய்துள்ளது.