சூப்பர் ஸ்டாருடன் திடீர் ஸ்டார்: படம் வெளியிட்டு லெஜண்ட் சரவணன் நெகிழ்ச்சி
பிரபல ஜவுளிக்கடை அதிபரான அருள் சரவணன் லெஜண்ட் என்ற படத்தின் மூலம் திடீர் ஸ்டார் ஆனார். பெரிய பட்ஜெட்டில் தயாரான இந்த படம் 5 மொழிகளில் வெளியாகி பரபரப்பை ஏற்படுத்தியது. அண்ணாச்சியும் ரஜினி ரேன்ஞ்சுக்கு நடித்து அதிர்ச்சி கொடுத்தார். பெரிய பட்ஜெட்டில் தயாரான இந்த படம் நஷ்டத்தை கொடுத்தாலும் அண்ணாச்சி ஹேப்பியாக இருக்கிறார்.
இந்த நிலையில் சமூக வலைத்தள பக்கங்களில் பிசியாகி உள்ள சரவணன், ரஜினியுடன் எடுத்துக் கொண்ட சில படங்களை வெளியிட்டு சூப்பர் ஸ்டார் உடனான தருணங்கள் என்று குறிப்பிட்டுள்ளார். நெட்டிசன்களும், சூப்பர் ஸ்டாரும் திடீர் ஸ்டாரும் என கருத்து பதிவிட்டு வருகிறார்கள். தனது முந்தைய பேட்டி ஒன்றில் எனது நடிப்பில் ரஜினியின் தாக்கம் இருப்பது உண்மைதான். நான் அவரது ரசிகன் என்பதால் தவிர்க்க முடியவில்லை எனக் கூறியிருந்தது குறிப்பிடத்தக்கது.