கோவை ஆர்.எஸ்.புரம் பகுதியில் உள்ள பாபா இல்லத்தில் கோவை மாநகர் மாவட்ட செயலாளரும்,
அணியை சேர்ந்தவருமான கோவை செல்வராஜ் இன்று காலை செய்தியாளர்களை சந்தித்தார். அப்போது பேசுகையில்,
நேற்று செய்தியாளர் சந்திப்பில் ஓபிஎஸ் பற்றி சர்ச்சைக்குரிய வகையில் பேசியிருக்கிறார். இது வன்மையாக கண்டிக்கத்தக்கது. ஜெயலலிதாவால் விரட்டி அடிக்கப்பட்டவர் கே.பி.முனுசாமி. அவருக்கு கட்சியில் இரண்டாம் தலைவராக வாய்ப்பு வழங்கியவர் ஓ.பன்னீர்செல்வம்.
ஒருகட்டத்தில் கே.பி.முனுசாமிக்கு எதிராக
பேசினார். அப்போது அவருக்கு ஆதரவாக நின்று ஓ.பன்னீர்செல்வம் குரல் கொடுத்திருக்கிறார். ஓபிஎஸ் அதிமுகவிற்காக உழைக்கவில்லை என்று சொல்கிறார். ஆனால் ஜெயலலிதா அவர்கள் ஓபிஎஸ்சை புகழும் போது, தான் செய்த பாக்கியம் என்றார். அதுமட்டுமின்றி விசுவாசமிக்க தொண்டன் என்ற பெயரை ஜெயலலிதாவிடம் வாங்கியவர். அவரை பற்றி பேச யாருக்கும் தகுதியோ, யோக்கியதையோ கிடையாது.
1000 கோடி ரூபாய் செலவு செய்தும் பதவி வரவில்லை என்று எடப்பாடி பழனிசாமி தவிக்கிறார். அதனால் தான் கே.பி.முனுசாமியை வைத்து பேச வைத்துள்ளார். அதிமுகவில் தொண்டர்கள் ஒற்றுமையாக உள்ளனர். இரட்டை இலை சின்னத்திற்கு எதிராக செயல்பட்டவர் எடப்பாடி தான் என்று கோவை செல்வராஜ் குற்றம்சாட்டினார். மேலும் பேசுகையில், எடப்பாடி தலைமையில் கடந்த நான்கரை ஆண்டுகளில் செய்த தவறுகளை பட்டியலிட்டு வெளியிடுவோம். நாங்கள் அளித்த ஆதாரத்தின் அடிப்படையில் இரண்டு முன்னாள் அமைச்சர்களின் வீடுகளில் லஞ்ச ஒழிப்புத்துறை அதிகாரிகள் சோதனை நடத்தினர்.
விரைவில் மற்றவர்கள் மீதான பட்டியலை வெளியிடுவோம் என்று கூறி பரபரப்பை கிளப்பினார். கடந்த ஜூலை மாதம் நடந்த பொதுக்குழு கூட்டம் செல்லாது என்று நீதிமன்றம் உத்தரவிட்டுள்ளது. இதை எதிர் தரப்பினர் புரிந்து கொள்ள வேண்டும். தளவாய் சுந்தரம் முதலில் கட்சி விதிமுறைகளை படிக்க வேண்டும். வங்கியில் இருந்த கோடிக்கணக்கான ரூபாய் பணத்தை பாதுகாப்பாக பார்த்துக் கொண்டவர் ஓபிஎஸ் தான். கட்சி அலுவலகம் சூறையாடல் தொடர்பாக அவர் மீது குற்றம்சாட்டுவது சரியல்ல.
தற்போது அதிமுக தலைமை அலுவலகத்தில் மது அருந்துவது, மாமிசம் சாப்பிடுவது போன்ற செயல்கள் எல்லாம் நடைபெறுகின்றன. இவையெல்லாம் தடுத்து நிறுத்தப்பட வேண்டும். நீதிமன்ற தீர்ப்பிற்கு பின்னர் கட்சி அலுவலகத்திற்கு ஓபிஎஸ் செல்வார். தற்போது கட்சி தலைவர், பொருளாளர் ஆகிய பொறுப்புகளை ஓபிஎஸ் வசமிருக்கிறது. கட்சியின் கொடி, சின்னம் ஆகியவையும் இவரது தலைமையில் தான் இருக்கின்றன. இவர் முதலமைச்சராக இருந்து கொண்டு மற்றொருவரை முதலமைச்சராக அறிவித்தவர்.
“டி.ஆர்.பாலு வராதது ஏமாற்றம் அளிக்கிறது” வானதி சீனிவாசன் பேட்டி
அதேசமயம் ஜெயலலிதாவின் சீட்டுக்கு துரோகம் செய்யாதவர். ஆனால் எடப்பாடி பழனிசாமி அப்படியல்ல. ஜெயலலிதாவின் சீட்டிற்கு துரோகம் செய்துள்ளார். சசிகலாவை பொறுத்தவரை இன்னும் கட்சியின் உறுப்பினர் தான். மேலும் அதிமுக அழிந்து விடக்கூடாது என்று நினைப்பவர் பிரதமர் மோடி. அவருக்கே துரோகம் செய்ய முயன்றவர் எடப்பாடி பழனிசாமி.