நாம் தமிழர் கட்சியின் தலைமை ஒருங்கிணைப்பாளர்
. கட்சி தொடங்கியதில் இருந்து தனித்து போட்டியிடுவது என்ற கொள்கையில் உறுதியாக நின்று தனக்கான அடையாளத்தை கொஞ்சம் கொஞ்சமாக பெற்று வருகிறார்.
தமிழ்நாட்டில் திமுக எதிர்க்கட்சியாக இருந்தபோது, மு.க.ஸ்டாலினை கேவலமாக விமர்சனம் செய்தவர்களில் முக்கியமானவர் சீமான். ஒரு அரசியல் கட்சியின் ஒருங்கிணைப்பாளர் என்பதையும் மறந்து வாய்க்கு வந்தபடி உளறிக்கொட்டுவது சீமானுக்கு கை வந்த கலை.
தலைவன் எவ்வழியோ? தொண்டனும் அவ்வழி.. என்பதற்கிணங்க தம்பிகளும் சீமானை போலவே வீரவசனம் பேசுவதாக நினைத்து சிக்கலை விலை கொடுத்து வாங்கிக்கொள்வது வழக்கமான ஒன்றாகவிட்டது.
தமிழ்தேசிய அரசியலில் சீமான் களமாடி வருபவர் என்றாலும் தன்னுடன் சர்ச்சைகளையும் சுமக்க தவறுவது இல்லை. தன்னை திருமணம் செய்து கொள்வதாக ஏமாற்றிவிட்டதாக குற்றம்சாட்டி நடிகை விஜயலட்சுமி இன்றளவும் நீதிக்காக போராடி வருகிறார்.
ஈழ ஆதரவு என்ற போர்வையில் உலக தமிழர்களிடம் பணம் வசூல் செய்து, சொகுசு வாழ்கை வாழ்வதாக சீமான் மீது குற்றச்சாட்டுகள் உள்ளது. இதை சீமானும் ஆமோதிக்கும் வகையில் பலமுறை பேசி இருக்கிறார்.
எனது தம்பிகளுக்கு போன் செய்தால் மாதா மாதம் பணம் அனுப்புவார்கள். உண்மையை சொல்லனும்னா நான் பிச்சை எடுத்து தான் சாப்பிடுறேன். நடிகர்கள், டைரக்டர்கள் பணம் கேட்டால் கொடுத்து விடுவார்கள் என, சீமான் பேசுகின்ற வீடியோக்கள் சமூக வலைதளங்களில் வலம் வருவதை நம்மால் பார்க்க முடியும்.
அதே சமயம், சீமான் சொத்து பட்டியல் என டைப் செய்தால், மலைக்க வைக்கும் விபரங்கள் முடிவில்லா பக்கங்களுடன் வருவதையும் காணலாம். இது எந்தளவு உண்மையாக இருக்கும்? என தெரியவில்லை.
அதேபோல் பிரபாகரன் உடனான சந்திப்பு, ஆமைக்கறி விருந்து, ஆமை ஓட்டில் பயணம், ஏகே 74 ரக துப்பாக்கி, இட்லிக்குள் கறி, 40 ஆயிரம் டன் அரிசி கப்பலை சுட்டுப்பழகியது என சீமான் அள்ளிவிட்ட கதைகள் சமூக வலைதளவாசிகளுக்கு நல்ல தீனியாகவே அமைந்தது.
இதையெல்லாம் தாண்டி‘சீமான் சயனைடு கட்டுவாரான்னு கேக்குறாங்க. நானே சயனைடு தானடா’‘பீலா விடுறோம்னே வெச்சுக்கோ. பீலா விடுறதை கூட உயர்வாக விட்டோமா.. இல்லையா?’ ‘போனை வையுடா **** மவனே’ என்பன போன்ற வசனம், பட்டி தொட்டியெங்கும் சீமான் புகழை வெளிச்சம் போட்டது.
கடைசியில், செய்தியாளர்களை பார்த்து, ‘மண்டையை உடைச்சிடுவேன் பார்த்துக்க’ என முடித்திருக்கும் சீமான் தன்னை டென்ஷன் ஆக்கும் கேள்விகளுக்கு ஆபாசமான பதில்கள், நியாயம் கேட்கும் தம்பிகளை கட்சியை விட்டு விரட்டுவது என சில நடவடிக்கை தவிர சீமானை குறைசொல்லும் விதமாக ஒன்றுமில்லை.
அதனால் தானோ என்னவோ தமிழக மக்களை சிரிக்கவும், சிந்திக்கவும் வைக்கும் சீமானை சமீபகாலமாக சர்ச்சைகள் சூழ்ந்தபடியே இருக்கிறது. இது தம்பிகள் மத்தியில் பெரும் கவலையை ஏற்படுத்தி உள்ளது.
இந்நிலையில் எந்த தம்பிகள் இதுநாள் வரை அண்ணன் அண்ணன் என முட்டுக்கொடுத்தார்களோ? அதே தம்பிகள் கடுமையாக விமர்சிக்கும் அளவுக்கு சீமானே தன்னுடைய சொந்த காசில் சூனியம் வைத்த சம்பவம் அரங்கேறி நாம் தமிழர் கட்சியில் பரபரப்பை ஏற்படுத்தி இருக்கிறது.
அதாவது சீமான் கடந்த 2014ம் ஆண்டு இசூஸூ நிறுவனத்தின் எம்யூ 7 கார் ஒன்றை வாங்கினார். இதன் மதிப்பு ரூ 26.50 லட்சம் என, தன் வேட்பு மனுவில் தாக்கல் செய்திருந்தார்.
இந்த கார் வாங்கி சுமார் 8 ஆண்டுகள் கடந்துவிட்ட நிலையில் தற்போது சீமான் புதிதாக ஒரு கார் வாங்கியுள்ளார். இந்த காரில் சீமான் திருப்போரூர் கந்தசாமி கோவிலுக்கு வந்து சாவியை முருகனின் முன்பாக வைத்து பூஜை செய்து வணங்கியுள்ளார்.
அரசு பள்ளி மாணவர்களை விமானத்தில் அழைத்துச்சென்ற ஊராட்சி தலைவர்!
இந்த விவகாரம் தான், நாம் தமிழர் கட்சியில் விஸ்வரூபம் எடுத்துள்ளது. அதாவது, பாக்கெட்டை துடைத்து போராட்டம்… ஆர்ப்பாட்டம் நடத்தி, வெறுங்கையுடன் நிற்கின்ற தம்பிகள் தங்களது பிள்ளைகள் பள்ளிக்கூட செலவுக்கு உதவி கேட்டால்‘அண்ணனை கஷ்டப்படுத்தாதீங்கடா’ என்று சொல்லி அனுப்பி விடுகிறார்.
அப்படி இருக்கையில் ‘புதிய கார் வாங்குவதற்கு மட்டும் சீமானுக்கு பணம் எங்கிருந்து வருகிறது?’ என கேட்டு மூத்த நிர்வாகிகளே கட்சியில் அதிருப்தியை வெளிப்படுத்தி வருவதாகவும், இதுபோல் அதிருப்தியுடன் இருக்கும் தம்பிகளை திரட்டி மாற்று அணியில் ஐக்கியமாகி சீமானுக்கு செம ஷாக் தரவும் அவர்கள் தயாராகி வருவதாகவும், நம்பத்தகுந்த வட்டாரங்கள் ஓதுகின்றன. இது, சீமானை ரொம்பவே அதிர்ச்சி அடைய செய்துள்ளதாக கூறப்படுகிறது.