வரலட்சுமியா இது…. நம்புங்கள் ; என்ன ஒரு மாற்றம்
‛போடா போடி' படத்தின் மூலம் நாயகியாக அறிமுகமானவர் நடிகர் சரத்குமாரின் மகளான வரலட்சுமி. தொடர்ந்து பல படங்களில் நாயகியாக மட்டுமல்லாது வில்லியாகவும் அசத்தி வருகிறார். தமிழ் மட்டுமின்றி தெலுங்கு, மலையாளம் என தென்னிந்திய மொழிகளில் பிஸியாக நடித்து வருகிறார். சற்று உடல் பெருத்து காணப்பட்ட வரலட்சுமி இப்போது அனைவரும் ஆச்சர்யப்படும்படி ஸ்லிம்மாக மாறி உள்ளார். இதை வெளிப்படுத்தும் விதமாக குட்டை கவுனில் போட்டோஷூட் எடுத்து வெளியிட்டுள்ளார்.
அதோடு இந்த மாற்றம் குறித்து, ‛‛மாற்றம் யாருக்கும் எப்போது வேண்டுமானாலும் நிகழலாம். உங்களை முதலில் நம்புங்கள். உங்களால் என்ன செய்ய முடியும், முடியாது என்று மற்றவர்கள் சொல்ல தேவையில்லை. நம்பிக்கை தான் சிறந்த ஆயுதம். உங்களுக்கு நீங்களே சவால் விடுங்கள். உங்களுக்கு சிறந்த போட்டி நீங்கள் தான். உங்களால் எவ்வளவு சாதிக்க முடியும் என்று ஆச்சரியப்படுவீர்கள். நம்புங்கள்'' என பதிவுட்டுள்ளார் வரலட்சுமி.