தமிழ்நாட்டின் அனைத்து மாவட்டங்களிலும் தலித் வகுப்பை சார்ந்த மக்களுக்கு பல வருடங்களுக்கு முன்பு இலவசமாக வழங்கப்பட்ட பஞ்சமி நிலம் சம்பந்தமான ஆவணம் ஒவ்வொரு மாவட்டத்திலும் “Depressed class under special conditional Assignment” என்ற பெயரில் வருவாய்த்துறை ஆவணமாக பாதுகாக்கப்பட்டு வருகிறது. ஆனால், மேற்படி ஆவணம் மிகவும் பழமை வாய்ந்ததாலும், முறையாக பராமரிக்காததாலும் அவை சிதிலமடைந்து நிலையில் இருந்துள்ளது .
இந்நிலையில், பகுஜன் சமாஜ் கட்சியின் வழக்கறிஞர் தணிகைச்செல்வன் தகவல் அறியும் உரிமைச் சட்டத்தின் கீழ் மனு செய்து நகல் கோரினார். வருவாய்த்துறையை சேர்ந்த அதிகாரிகள் மேற்படி ஆவணம் மிகவும் சிதிலமடைந்த நிலையில் உள்ளதால் நகல்கள் கொடுக்க முடியாது என்று பதில் அளித்தனர்…
இந்நிலையில் சென்னை உயர்நீதிமன்றத்தில் பொதுநல வழக்கு தொடர்ந்து மேற்படி ஆவணங்களை கணினி மயப்படுத்தவும் அவற்றை முறையாக பராமரிக்கவும் உத்தரவிட வேண்டுமென வழக்கறிஞர் தணிகைச்செல்வன் கோரியிருந்தார். இந்நிலையில் வழக்கறிஞர் அசோக்குமார் அந்த வழக்கில் தணிகைச்செல்வன் சார்பில் ஆஜராகி வாதாடினார்.
பின்பு இந்த வழக்கு மீண்டும் இன்று சென்னை உயர்நீதிமன்ற தலைமை நீதிபதி அமர்வு முன்பு விசாரணைக்கு வந்தது. உயர்நீதிமன்றஉத்தரவின் பேரில் கடலூர் மாவட்ட வருவாய்த்துறை மேற்படி ஆவணங்களை கணினி மயப்படுத்தி நீதிமன்றத்தில் சமர்ப்பிக்கப்பட்டது
மேற்படி ஆவணம் தலித் மக்களுக்கு கொடுக்கப்பட்ட நிலத்தை மீட்டெடுப்பதற்கு உதவும் மிக முக்கிய ஆவணம் எனவும் . இதுபோன்று ஒவ்வொரு மாவட்டத்திலும் சிதிலமடைந்த நிலையில் உள்ள ஆவணத்தை பராமரிக்க வேண்டியதும், அவற்றை மீட்டெடுக்க வேண்டியதும் அரசின்முக்கிய கடமையாகும் என உயர்நீதிமன்றம் கூறியுள்ளது. பஞ்சமி நிலம் குறித்து பல்வெரு அரசியலும் சர்சைகளும் எழுந்து வரும் நிலையில் இந்த வழக்கு பட்டியலின மக்களை ஆறுதல் அடைய செய்யும் விதமாகவும் எதிர்காலத்தில் இன்னும் பல பஞ்சமி நிலங்களை மீட்டு எடுக்கும் விதமாகவும் அமையும் என சமூக செயற்ப்பாட்டாளர்கள் கருத்து தெரிவித்து வருகின்றனர்…