புஜாரா 109 முதல் தர போட்டிகளில் 5000 ஓட்டங்கள் குவித்துள்ளார்
தனது கடைசி 8 போட்டிகளில் புஜாரா 614 ஓட்டங்கள் குவித்து மிரட்டியுள்ளார்
கவுண்டி கிரிக்கெட்டில் இந்திய வீரர் புஜாரா 132 ஓட்டங்கள் விளாசி மிரட்டினார்.
ராயல் லண்டன் ஒருநாள் தொடரின் இன்றைய போட்டியில் சஸ்செக்ஸ் மற்றும் மிடில்செக்ஸ் அணிகளில் மோதின.
இந்தப் போட்டியில் சஸ்செக்ஸ் அணியில் விளையாடி வரும் இந்திய வீரர் புஜாரா மிரட்டலான ஆட்டத்தை வெளிப்படுத்தினார்.
அதிரடியான ஆட்டத்தை வெளிப்படுத்திய அவர் 75 பந்துகளில் சதமடித்தார்.
தொடர்ந்து விளையாடிய புஜாரா 90 பந்துகளில் 132 ஓட்டங்கள் விளாசினார். இதில் 2 சிக்ஸர்கள், 20 பவுண்டரிகள் அடங்கும்.
A century from just 75 balls for @cheteshwar1. 🤩 💯
Just phemeomenal. 💫 pic.twitter.com/z6vrKyqDfp
— Sussex Cricket (@SussexCCC) August 23, 2022
இந்திய அணியில் டெஸ்ட் போட்டிகளில் மட்டுமே புஜாராவுக்கு வாய்ப்பு கொடுக்கப்படுகிறது. ஆனால் கவுண்டி கிரிக்கெட் தொடர்களில் புஜாரா தொடர்ச்சியாக அதிரடியான ஆட்டத்தை காட்டி வருகிறார்.
இன்றைய போட்டியில் சஸ்செக்ஸ் அணியின் தொடக்க வீரர் அல்சோப் 189 ஓட்டங்கள் விளாசினார். இதன்மூலம் அந்த அணி 50 ஓவர்களில் 4 விக்கெட் இழப்புக்கு 400 ஓட்டங்கள் குவித்தது.
