பள்ளிப்பட்டு: தமிழக முதலமைச்சர் மு.க.ஸ்டாலின் உத்தரவின் பேரில் போதை பொருட்கள் தடுப்பு பணியில் போலீசார் தீவிரமாக ஈடுபட்டு வருகின்றனர். இந் நிலையில் நேற்று முன்தினம் இரவு காவல் ஆய்வாளர் ராஜ் தலைமையில் போலீசார் அய்யனேரி சாலையில் வாகன சோதனையில் ஈடுபட்டிருந்தனர். அப்போது அவ் வழியாக சோளிங்கரிலிருந்து திருத்தணி நோக்கி சென்றுக்கொண்டிருந்த இருசக்கர வாகனத்தை நிறுத்தி சோதனையிட்டனர்.
அப்போது மூட்டையில் அடைத்து கடத்திய ரூ.25 ஆயிரம் மதிப்பிலான குட்கா, புகையிலை பொருட்கள் பறிமுதல் செய்யப்பட்டது. மேலும் ைபக்கில் வந்த கே.ஜி.கண்டிகை அருகே பீரகுப்பத்தை சேர்ந்த ஸ்ரீதர், சோளிங்கரை சேர்ந்த ஜெயவேலு ஆகியோரிடம் விசாரித்தனர். அவர்கள் கூறிய தகவலின்படி பிரகாசம், சுரேஷ்குமார், சங்கர் ஆகியேரையும் கைது செய்தனர்.