சென்னையில் மீண்டும் தற்போது இடி மின்னலுடன் பலத்த மழை.இதையடுத்து மீனம்பாக்கம் விமானநிலையத்தில் விமான சேவைகள் பாதிப்பு. துபாயிலிருந்து 216 பயணிகளுடன் சென்னை வந்த எமரேட்ஸ் ஏா்லைன்ஸ்,பக்ரையினிலிருந்து 182 பயணிகளுடன் சென்னை வந்த கல்ப் ஏா்வேஸ் விமானம் சென்னையில் தரையிறங்க முடியாமல் ஹைதராபாத் மற்றும் பெங்களூருக்கு திருப்பி அனுப்பப்பட்டுள்ளன.
துபாயிலிருந்து 216 பயணிகளுடன் இரவு 8.30 மணிக்கு சென்னைக்கு வந்த எமரேட்ஸ் ஏா்லைன்ஸ்,லக்னோவிலிருந்து இரவு 8.35 மணிக்கு 114 பயணிகளுடன் சென்னை வந்த இண்டிகோ ஏா்லைன்ஸ்,மதுரையிலிருந்து 62 பயணிகளுடன் இரவு 8.45 மணிக்கு சென்னை வந்த இண்டிகோ ஏா்லைன்ஸ் ஆகிய 3 விமானங்கள் சென்னையில் தரையிறங்க முடியாமல் வானில் வட்டமடித்துக்கொண்டிருக்கின்றன.
அதைப்போல் சென்னையிலிருந்து திருச்சி,மும்பை,டில்லி,பெங்களூரு செல்ல வேண்டிய 4 விமானங்கள் தாமதமாக புறப்பட்டு செல்லும் என்று அறிவிக்கப்பட்டுள்ளது. இதனால் பயணிகள் பெரும் அவதிக்கு உள்ளாகி வருகின்றனர்…