தமிழ்நாட்டில் பல்வேறு மாவட்டங்களில் இரவு முதலும் சில இடங்களில் அதிகாலை முதலும் தொடர்ந்து மழை பெய்து வருகிறது. தொடர் மழை காரணமாக கிருஷ்ணகிரி மாவட்ட ஆட்சியர் பள்ளி விடுமுறை அறிவிப்பை வெளியிட்டுள்ளார்.
கிருஷ்ணகிரி மாவட்டத்தில் உள்ள ஓசூர், தேன்கனிக்கோட்டை ஆகிய இரு கல்வி மாவட்டங்களில் உள்ள பள்ளிகளுக்கு இன்று ஒரு நாள் மட்டும் விடுமுறை அளித்து உத்தரவிட்டுள்ளார்.
சென்னை உட்பட 11 மாவட்டங்களில் அடுத்த மூன்று மணி நேரத்துக்கு மழைக்கு வாய்ப்புள்ளதாக தெரிவிக்கப்பட்டுள்ளது.
சென்னை, திருவள்ளூர், காஞ்சிபுரம், செங்கல்பட்டு, தருமபுரி, கிருஷ்ணகிரி, தென்காசி, தேனி, திருப்பூர், கோவை, நீலகிரி ஆகிய மாவட்டங்களில் அடுத்த மூன்று மணி நேரத்துக்கு மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
சென்னை வள்ளுவர் கோட்டம், நுங்கம்பாக்கம், ராயப்பேட்டை, மயிலாப்பூர், வடபழனி, கோயம்பேடு, கிண்டி, வேளச்சேரி, மதுரவாயல், முகப்பேர் உள்ளிட்ட பகுதிகள் அதிகாலை முதல் மழை பெய்து வருகிறது.