ஹர்திக் பாண்டியா முன் தலைவணங்கிய தினேஷ் கார்த்திக்
இந்திய அணிக்கு வெற்றியை தேடி தந்த அதிரடி மன்னனுக்கு அளித்த கெளரவம்
ஆசிய கோப்பையில் பாகிஸ்தான் அணிக்கு கிலியை ஏற்படுத்திய ஹர்திக் பாண்டியா முன் தினேஷ் கார்த்திக் தலை வணங்கிய வீடியோ வைரலாகியுள்ளது.
ஆசிய கோப்பை கிரிக்கெட் தொடரின் இரண்டாவது போட்டியில் இந்திய அணியும் பாகிஸ்தான் அணியும் மோதின.
இப்போட்டியில் இந்திய அணி 5 விக்கெட்கள் வித்தியாசத்தில் வெற்றி பெற்றது.
இதில் ஹர்திக் பாண்டியா 17 பந்துகளில் 33 ரன்கள் எடுத்து இந்திய அணி வெற்றிக்கு முக்கிய காரணமாக இருந்தார்.
கடைசி ஓவரின் முதல் பந்தை எதிர்கொண்ட ஜடேஜா (35) விக்கெட்டை இழந்து போட்டியை மேலும் பரபரப்பாக்கினாலும், அதே ஓவரின் நான்காவது பந்தில் ஹர்திக் பாண்டியா சிக்ஸர் அடித்து இந்திய அணிக்கு மிகப்பெரும் வெற்றியை பெற்று கொடுத்தார்.
The winning six of Hardik Pandya.#INDvsPAK #INDvPAKpic.twitter.com/Fi7J7VveoF
— Square Leg (@Cricket_Is_Here) August 29, 2022
இந்தநிலையில், இந்த போட்டியில் இந்திய அணியின் வெற்றிக்கு முக்கிய காரணமாக திகழ்ந்த ஹர்திக் பாண்டியாவை பாராட்டும் விதமாக தினேஷ் கார்த்திக், ஹர்திக் பாண்டியாவிற்கு முன் தலைவணங்கிய வீடியோ சமூக வலைதளங்களில் காட்டுத்தீயாக பரவி வருகிறது.