இந்தியாவில், கடந்த 2020-ம் ஆண்டைக் காட்டிலும் 2021-ம் ஆண்டு சாலை விபத்துகள் 16 புள்ளி 8 சதவீதம் உயர்ந்துள்ளதாக குறிப்பிட்டுள்ள தேசிய குற்ற ஆவணக் காப்பகம், அதிகபட்சமாக தமிழ்நாட்டில் ஐம்பத்து ஏழாயிரத்து 90 விபத்துகள் நிகழ்ந்துள்ளதாக தெரிவித்துள்ளது.
கடந்த 2021-ம் ஆண்டில் நிகழ்ந்த நான்கு லட்சத்து 22 ஆயிரம் விபத்துகளில் சிக்கி, ஒரு லட்சத்து 73 ஆயிரம் பேர் உயிரிழந்துள்ளனர்.
அதிகபட்சமாக உத்திரபிரதேசத்தில் விபத்தில் சிக்கி இருபத்தி நான்காயிரத்து 711 பேர் உயிரிழந்த நிலையில், இரண்டாவதாக தமிழகத்தில் பதினாறாயிரத்து 685 பேர் உயிரிழந்துள்ளனர்.